પર્દાફાશ / દિવ્યાંગ ભિખારીની મદદ કરવા પહોંચ્યો પોલીસકર્મી, હકીકત ખબર પડી તો હોશ ઉડી ગયા

• ઈન્દોરમાં દિવ્યાંગ ભિખારીનો થયો પર્દાફાશ
• યુવક એલઆઈજી ચાર રસ્તા પર માંગતો હતો ભીખ
• ટ્રાફિક પોલીસકર્મીએ ભિખારીને રંગેહાથ ઝડપ્યો

ટ્રાફિક પોલીસકર્મીએ નકલી ભિખારીનો કર્યો ભાંડાફોડ

ખરેખર, એક શખ્સ બાળકોની સાથે અલગ-અલગ ચોકડી અને સિગ્નલ પર સક્રિય રહે છે અને આવતા-જતા લોકોને પોતાની નકલી દિવ્યાંગતાનું બહાનું ધરીને રૂપિયા ભેગા કરે છે. આ ઘટના ઈન્દોરના એલઆઈજી ચાર રસ્તા પર જોવા મળી. અહીં ભીખ માંગવાનું નવુ કારણ સામે આવ્યું છે. ભીખ માંગનારી ગેંગના 25 વર્ષીય યુવકને પકડી લેવામાં આવ્યો. આ યુવક દિવ્યાંગ બની એલઆઈજી ચાર રસ્તા પર ભીખ માંગી રહ્યો હતો. ચાર રસ્તા પર ઉભા રહેનારા ટ્રાફિક પોલીસ કર્મચારીએ વિચાર્યુ કે તેના તુટેલા હાથની જગ્યાએ નકલી હાથ બનાવીને તેની મદદ કરવામાં આવે.

પોલીસ કર્મચારીએ પીછો કરી ભિખારીને પકડ્યો

પોલીસ કર્મચારીએ ભિખારીના હાથની પીડાને મહેસુસ કરવાનો પ્રયાસ કર્યો તો યુવકે ઝાપટ મારી અને નાસી ગયો.  ત્યારબાદ પોલીસ કર્મીએ પીછો કરી તેને પકડ્યો તો ભિખારીની પોલ ખુલી ગઈ.  આ ભિખારીના બંને હાથ સુરક્ષિત હતા અને તેણે ભીખ માંગવા માટે કુર્તામાં હાથને છુપાવ્યા હતા કે જોનારા લોકોને એવુ લાગે કે ભિખારી દિવ્યાંગ છે. અડધા હાથનું સ્ટ્રક્ચર તૈયાર કરનારા ભિખારીએ કબુલ્યુ કે આ જ રીતે તેમની ગેંગને ટ્રેસ કરી દિલ્હી પોલીસે તેને ભગાવ્યો હતો.

ઈન્દોર પોલીસે પણ ચલાવવુ જોઈએ અભિયાન?

ઉલ્લેખનીય છે કે, ભિખારીનો આ મામલો સામે  આવ્યાં બાદ હવે સવાલ ઉઠી રહ્યાં છે કે શું દિલ્હીની જેમ ઈન્દોરમાં પણ પોલીસે એક અભિયાન ચલાવી આવા લોકો પર સકંજો લગાવવો જોઈએ કે જે લોકો દિવ્યાંગતાનું ખોટું કારણ ધરીને લોકોના રૂપિયા ખંખેરી લે છે અને દર મહિને અંદાજે 30 થી 45 રૂપિયા કમાઈ લે છે.