મહેસાણા / દવાનું સંશોધન કરતી 'વિડા' ક્લિનિકલ રિસર્ચ નામની કંપનીમાં નકલી આધારકાર્ડનું કૌભાંડ

• મહેસાણામાં વિડા રિસર્ચ સેન્ટરમાં કૌભાંડ
• સેન્ટરમાં વોલેન્ટિયરની સંખ્યા વધારવાનું કૌભાંડ
• ગ્રાઉન્ડ ફ્લોરથી બેઝમેન્ટમાં ભાગી ગયા હતા કર્મીઓ

મહેસાણા પાંચોટ બાયપાસ સર્કલ પાસે પેલેડીયમ કોમ્પ્લેક્ષમાંથી બોગસ આધારકાર્ડ બનાવવાનું રેકેટ ઝડપાતા ખળભળાટ મચી ગયો છે. દવાનું રિસર્ચ કરતી 'વિડા' ક્લિનિકલ રિસર્ચ નામની કંપની દ્વારા કૌભાંડ આચરવામાં આવ્યું છે. કંપનીઓના દવા ટેસ્ટ વધુ બતાવવા બોગસ આધારકાર્ડ બનાવતા હતા. આધારકાર્ડમાં નામ અને ફોટાઓ બદલી બોગસ આધારકાર્ડ બનાવ્યા હતા. જે બાદ વોલેન્ટિયર દવા લેનારના ટેસ્ટની સ્ટડી વધુ બતાવવા રેકેટ ચલાવવામાં આવતું હતું.

આ સાથે દવા ટેસ્ટ માટે એક વ્યક્તિ ઉપર 90 દિવસમાં એક જ વાર સ્ટડી ટેસ્ટના નિયમને પણ વિડા રિસર્ચ સેન્ટર ઘોળીને પી ગયા છે. અને 90 દિવસમાં બોગસ આધારકાર્ડ બનાવી 5થી 6 વખત રિસર્ચ માટે દવા ટેસ્ટ કરવાનું રેકેટ પણ સામે આવ્યું છે. રિસર્ચ ચલાવતા બે તબીબ સહિત 5ની મહેસાણા લોકલ ક્રાઈમ બ્રાન્ચે ધરપકડ કરી લીધી છે.