મહાશિવરાત્રી / સુરતમાં શિવભક્તોની આસ્થાએ દૂધના વેચાણનો રેકોર્ડ તોડ્યો, જાણો એક દિવસનું રેકોર્ડબ્રેક વેચાણ

• મહાશિવરાત્રીનો પર્વ નિમિત્તે સુમુલે બનાવ્યો રેકોર્ડ
• દૂધ અને છાશના વેંચાણનો નવો બનાવ્યો રેકોર્ડ 
• 14 લાખ 01 હજાર 703 લિટર દૂધનું કર્યુ વેંચાણ

સુરતમાં મહાશિવરાત્રીનો પર્વ નિમિત્તે સુમુલે રેકોર્ડ બનાવ્યો છે. દૂધના વેચાણનો નવો રેકોર્ડ બનાવ્યો છે. સુમુલ ડેરીના ડિરેક્ટર જયેશ પટેલે દૂધના વધુ વેચાણ અંગે વાત કરી હતી. સુમુલ ડેરીના દૂધનું એક દિવસનું વેચાણ 14 લાખ 01 હજાર 703 લિટર થયું છે. તો આ સાથે 2 લાખ 84 હજાર 478 લિટર છાશ વેચવામાં આવી છે. 

એક દિવસમાં સૌથી વધુ વેંચાણનો રેકોર્ડ નોંધાયો છે. સામાન્ય દિવસોમાં દૂધનું વેચાણ 11 લાખ લિટર હોય છે. મહાશિવરાત્રીના કારણે મહાલયો અને પ્રસાદી માટે આશરે 3 લાખ લિટર વધુ દૂધનું વેચાણ થયું છે. તો દૂધના વ્યવસાય સાથે સંકળાયેલા લોકો માટે આ એક સારા દિવસ તરીકે ગણવામાં આવ્યો છે. 

તો ભગવાન શિવના ધરતી ઉપરના અવતરણનો પર્વ પર સુરતના પાલ ગામે આવેલા આશ્રમમાં ખાતે શિવભક્તો પહોંચ્યા હતા. જ્યાં 1 હજાર 751 કિલોના પારાના શિવલિંગના દર્શન માટે લોકો પહોંચ્યા હતા.