સંન્યાસ / સાઉથ આફ્રિકાનાં પૂર્વ કેપ્ટને ટેસ્ટ ક્રિકેટમાંથી સંન્યાસ જાહેર કર્યું

• સંન્યાસ લેવાનો આ યોગ્ય સમય
• ટી-20 વિશ્વકપ પર ફોકસ કરવા માંગે છે
• 2012માં ટેસ્ટ ક્રિકેટમાં ડેબ્યુ કર્યું હતું

આ વર્ષ આપણા સૌ માટે મુશ્કેલી ભર્યુ રહ્યું

ફાફ ડુ પ્લેસિસે સંન્યાસ લેવાની જાહેરાત કરતા લખ્યું કે, મારુ હૃદય આ નિર્ણયને લઈને એકદમ સાફ છે અને આ નવી શરુઆત કરવા માટે બિલકુલ યોગ્ય સમય છે. ઇન્સ્ટાગ્રામ પર રિયારટમેન્ટની જાહેરાત કરતા ડુપ્લેસિસે લખ્યુ કે, આ આપણા સૌ માટે મુશ્કેલીઓથી લડીને આગળ વધવાનું વર્ષ રહ્યું છે. ક્યારેક અનિશ્ચિતતાઓ પણ રહી પણ તેનાં ઘણાં પાસાઓ માટે મારો સ્પષ્ટ નિર્ણય બન્યો. મારુ હૃદય સાફ છે અને આ એક નવા અધ્યાયની શરુઆત કરવાનો યોગ્ય સમય છે. 

 

 

 

 

View this post on Instagram

 

 

 

 

 

 

 

 

 

 

 

A post shared by Faf du plessis (@fafdup)

ટી-20 વિશ્વકપમાં ધ્યાન કેન્દ્રિત કરવા માંગે છે

તેણે વધુમાં લખ્યુ કે, રમતનાં દરેક પ્રારુપોમાં દેશનું પ્રતિનિધિત્વ કરવુ સન્માનની વાત છે પણ હવે મારા માટે ટેસ્ટ ક્રિકેટમાંથી સંન્યાસ લેવાનો સમય આવી ગયો છે, આગામી બે વર્ષ આઈસીસી ટી-20 વિશ્વકપ યોજાશે. જેથી મારુ પુરુ ધ્યાન હું તેમા કેન્દ્રિત કરવા માંગુ છું.

69 ટેસ્ટ મેચો રમી

ફાફ ડુપ્લેસિસે સાઉથ આફ્રિકા માટે 69 ટેસ્ટ મેચ રમી. 118 ઈનિંગમાં તેણે 40.02ની એવરેજથી 4163 રન બનાવ્યા. તેનાં નામે 10 શતક અને 21 અર્ધશતક પણ નોંધાયેલા છે. ડુપ્લેસિસનો બેસ્ટ સ્કોર 199 રહ્યો છે.

પાકિસ્તાન સામે બેટીંગમાં કમાલ ના કરી શક્યો

ફાફ ડુપ્લેસિસે 2012માં ટેસ્ટ ક્રિકેટમાં ડેબ્યૂ કર્યો હતો. એડિલેડમાં ઓસ્ટ્રેલિયા સામે ટેસ્ટ મેચથી તેનુ ડેબ્યુ થયુ હતું. તેણે ગત વર્ષે દક્ષિણ આફ્રિકાનાં ટેસ્ટ અને ટી-20નું કેપ્ટન પદ છોડી દીધુ હતું. ફાફ ડુપ્લેસિસે 2016માં એબી ડીવિલિયર્સ બાદ આ પદ સંભાળ્યું હતું. ફાફ ડુપ્લેસિસે હાલમાંજ પાકિસ્તાન વિરુદ્ધ બે ટેસ્ટ મેચો રમી હતી. સીરીઝમાં ડુપ્લેસિસનાં બેટથી વધારે કમાલ ના જોવા મળી. પહેલી ટેસ્ટમાં તેણે 33 અને બીજીમાં 22 રન બનાવ્યા. બંને જ ટેસ્ટમાં દક્ષિણ આફ્રિકાને હારનો સામનો કરવો પડ્યો હતો.