ઉદ્ધવ ઠાકરે મુખ્યમંત્રી બન્યા બાદ હાલમાં દેવેન્દ્ર ફડણવીસ એક વિડીયો ખુબ વાયરલ થઇ રહ્યો છે જેમાં એક ગીતમાં અભિનેતા રણબીર કપૂરની જગ્યાએ દેવેન્દ્ર ફડણવીસ અને અનુષ્કા શર્માની જગ્યાએ અજિત પવાર દેખાઈ રહ્યાં છે.
ઉદ્ધવ ઠાકરે બન્યા સીએમ
સોશિયલ મીડિયામાં દેવેન્દ્ર ફડણવીસનો વિડીયો વાયરલ
સમગ્ર દેશમાં ભાજપ પર સવાલ કરવામાં આવ્યા
મહારાષ્ટ્રમાં ઉદ્ધવ ઠાકરે આખરે મુખ્યમંત્રી બની ગયા. રાજ્યમાં એક મહિનાનાં રાજનીતિક ખેંચતાણ બાદ ત્રણ પક્ષોએ ગઠબંધન સરકારની રચના કરી. મહારાષ્ટ્રમાં દેવેન્દ્ર ફડણવીસે સરકાર રચવા ખુબ મથામણ કરી. રાતોરાત અજીત પવારથી સમર્થન લઇ વહેલી સવારે શપથ પણ લઇ લીધા પરંતુ સરકાર પૂરાં ત્રણ દિવસ પણ ન ચાલી. અજીત પવારે પહેલાં તો સમર્થનની જાહેરાત કરી પરંતુ પાછળથી રાજીનામું આપી દેતા સમગ્ર દેશમાં ભાજપ પર સવાલ કરવામાં આવ્યા હતા.
વિવિધ સેલીબ્રીટીઝ પણ જેવી જ પોસ્ટ મુકે તે થોડીક જ ક્ષણોમાં વાયરલ થઇ જાય
સોશિયલ મીડિયામાં સરકાર રચવા અને પડવા પર લોકો એકબીજાની મજાક કરતા હોય છે. જ્યારે ભાજપે સરકાર રચી હતી ત્યારે પણ સોશિયલ મીડિયામાં જાણે પૂર આવી ગયું હતું. લોકોએ ખુબ વિડીયો પણ બનાવ્યા અને શિવસેના અને એનસીપીની મજાક બનાવી હતી. વર્તમાન સમયમાં દેશ દુનિયામાં કોઈ પણ ઘટના બને તેના પર સોશિયલ મીડિયામાં લોકો પ્રતિક્રિયા મુકતા હોય છે. વિવિધ સેલીબ્રીટીઝ પણ જેવી જ પોસ્ટ મુકે તે થોડીક જ ક્ષણોમાં વાયરલ થઇ જાય છે.
એક વિડીયો સોશિયલ મીડિયામાં ખુબ વાયરલ થઇ રહ્યો છે
ભાજપનાં મનસુબા પર પાણી ફેરવી અજિત પવારે રાજીનામું આપી ફરીથી એનસીપીમાં જોડાઈ ગયાં. ત્યારે હાલમાં એક વિડીયો સોશિયલ મીડિયામાં ખુબ વાયરલ થઇ રહ્યો છે. એ દિલ હૈ મુશ્કિલ ફિલ્મમાં રણબીર કપૂર અને અનુષ્કા શર્માનું 'ચન્ના મેરેયા' ગીત પર આ વિડીયો બનાવવામાં આવ્યો છે. ગીતમાં દેવેન્દ્ર ફડણવીસ રણબીર કપૂરનાં રૂપમાં છે અને અનુષ્કા શર્માનાં રૂપમાં અજિત પવાર છે.