મંત્રીમંડળ / મોદી કેબિનેટ 2.0માં નિર્મલા સીતારમણ, આ રીતે બનાવ્યો સેલ્સ ગર્લથી મંત્રાલય સુધીનો રસ્તો

સૂત્રો જણાવી રહ્યા છે કે એમનું મંત્રાલય પણ બદલી શકાશે નહીં. પોતાના પહેલા કાર્યકાળમાં નિર્મલા ઘણી એક્ટિવ રહી અને રાફેલ વિવાદ પર સંસદ અને બહાર સરકારનો સારી રીતે બચાવ કર્યો. તમિનાડુના એક સાધારણ પરિવારથી આવનારી નિર્મલાએ એ સમયે સેલ્સ ગર્લના રૂપે કામ કર્યું હતું. 

તમિલનાડુમાં જન્મ

નિર્મલાનો જન્મ તમિલનાડુના એક સાધારણ પરિવારમાં 18 ઓગસ્ટ 1959માં થયો હતો. તેમના પિતા રેલવેમાં કામ કરતા હતા અને માતા ઘર સંભાળતી હતી. 

જેએનયૂથી કર્યો અભ્યાસ

સીતારમણે પોતાનો શરૂઆતનો અભ્યાસ તમિલનાડુના તિરુચિરાપલ્લીથી કર્યો છે. અર્થશાસ્ત્રમાં ગ્રેજ્યુએશન કર્યું. એ બાદ માસ્ટર્સ માટે દિલ્હીના જવાહર લાલ નેહરૂ યુનિ.માં પહોંચ્યા. એમણે ઇન્ડો-યૂરોપિયન ટેક્સટાઇલ ટ્રેડમાં પોતાની પીએચડીની રિસર્ચ કરી. 

લંડનમાં કરી સેલ્સ મેનની નોકરી

અભ્યાસ બાદ ઘણી જગ્યાએ સીતારમણે કામ કર્યું.  પતિ સાથે લંડનમાં રહેવા દરમિયાન નિર્મલાએ ત્યાં એક હોમ ડેકોરની વસ્તુ વેચતી દુકાનમાં સેલ્સ ગર્લના રૂપે કામ કર્યું હતું. બાદમાં લંડનમાં કૃષિ એન્જિનિયર્સ એસોસિએશન સાથે જોડાઇ. બાદમાં લંડનમાં પ્રાઇસ વૉટરહાઉસ નામની એક કંપનીમાં સીનિયર મેનેજર રૂપે કામ કર્યું. બાદમાં બીબીસી સાથે જોડાઇ અને અંતે ભારત પરત ફર્યા. અહીં હૈદરાબાદમાં સેન્ટર ફોર પબ્લિક પોલિસીમાં ડેપ્યૂટી ડાયરેક્ટર રૂપે કામ કર્યું. 

2008માં જોઇન કરી બીજેપી

નિર્મલાએ 2008માં રાજનીતિમાં એન્ટ્રી લીધી હતી અને ભાજપની સભ્ય બની. બે વર્ષ બાદ જ બીજેપીના પ્રવક્તા બન્યા. બાદમાં 26 મે 2014માં મોદી સરકારમાં એમણે રાજ્ય મંત્રીનું પદ સોંપવામાં આવ્યું. 3 ડિસેમ્બર 2017માં કેબિનેટ ફેર બદલ બાદ તેમને રક્ષા મંત્રી બનાવવામાં આવ્યા હતા.

ઇન્દિરા ગાંધી બાદ બીજી રક્ષા મંત્રી

ગત સરકારમાં રક્ષા મંત્રી બનતા જ નિર્મલા સીતારમણે એક રેકોર્ડ પોતાના નામે કર્યો. આ રેકોર્ડ હતો  દેશની બીજી મહિલા રક્ષા મંત્રી બનવાનો. નિર્મલા સીતારમણ પહેલા ઇન્દિરા ગાંધી પોતાની સરકારમાં આ ચાર્જ સંભાળી ચૂકી છે. 

જેએનયૂમાં અભ્યાસ દરમિયાન નિર્મલા સીતારમણની મુલાકાત ડૉ. પરકાલા પ્રભાકર સાથે થઇ. બાદમાં બંનેના લગ્ન થઇ ગયા. હાલ તેમને એક દિકરી છે.