ફેક્ટ ચેકિંગ વેબસાઈટ ઓલ્ટ ન્યૂઝના કો-ફાઉન્ડર મોહમ્મદ ઝુબેરને મોટી રાહત આપતા સુપ્રીમ કોર્ટે છ કેસમાં તેમના વચગાળાના જામીની મંજૂર રાખ્યાં છે.
ઓલ્ટ ન્યૂઝના સહ-સંસ્થાપક મોહમ્મદ ઝૂબેરને મોટી રાહત
છ કેસમાં સુપ્રીમ કોર્ટે આપ્યાં વચગાળાના જામીન
તાત્કાલિક છોડી મૂકવાનો આદેશ
ફેક્ટ ચેકિંગ વેબસાઈટ છે ઓલ્ટ ન્યૂઝ
સુપ્રીમ કોર્ટે ફેક્ટ ચેકિંગ વેબસાઈટ ઓલ્ટ ન્યૂઝના સંસ્થાપક મોહમ્મદ ઝુબેરની મોટી રાહત આપતા તેમને તેમની સામે નોંધાયેલા છ કેસમાં વચગાળાના જામીન આપીને તેમને તત્કાળ છોડી મૂકવાનો આદેશ આપ્યો છે. મોહમ્મદ ઝુબેરની સામે યુપીમાં છ ફરિયાદ દાખલ થયેલી છે. સુપ્રીમ કોર્ટે ઝુબેરની ધરપકડ પર પણ સવાલ ઉઠાવ્યાં હતા.
Supreme Court says Mohammed Zubair shall be released on bail subject to furnishing of a bail bond of Rs 20,000.
Supreme Court says Zubair can move Delhi High Court for quashing of all or any of the FIRs registered against him.
ઝુબેર છ એફઆઈઆર રદ કરવા દિલ્હી હાઈકોર્ટમાં અરજી કરે- સુપ્રીમ
સુપ્રીમ કોર્ટે ઝુબેરને 20,000ના બોન્ડ પર છોડી મૂકવાનો આદેશ આપ્યો છે. સુપ્રીમ કોર્ટે કહ્યું કે પોતાની સામે નોંધાયલી છ એફઆઈઆરને રદ કરાવવા માટે ઝુબેર દિલ્હી હાઈકોર્ટમાં અરજી દાખલ કરી શકે છે.
SC directs SIT set up by UP government to investigate FIRs against Mohd Zubair to be disbanded
ઝુબેરની તપાસ માટે બનાવાયેલી સીટ વિખેરી નાખો- સુપ્રીમ કોર્ટ
મોહમ્મદ ઝુબેરની સામે દાખલ તમામ કેસની તપાસ કરવા માટે યુપી સરકાર દ્વારા બનાવવામાં આવેલી સીટને વિખેરી નાખવાનો પણ આદેશ સુપ્રીમ કો ર્ટે આપ્યો છે. સુપ્રીમે કહ્યું કે મોહમ્મદ ઝુબેરની સામે દિલ્હી અને યુપીમાં દાખલ તમામ એફઆઈઆરને એકી કરી દેવામાં આવશે.
Supreme Court grants interim bail to fact-checking website Alt News co-founder Mohammad Zubair in all the six FIRs registered against him in Uttar Pradesh. pic.twitter.com/lsKXLKvLEz
મોહમ્મદ ઝુબૈરે પોતાની ધરપકડને સુપ્રીમમાં પડકારી હતી
વાસ્તવમાં મોહમ્મદ ઝુબૈરે તેની સામે યુપી પોલીસ દ્વારા દાખલ કરવામાં આવેલી તમામ એફઆઈઆર રદ કરવાની માંગ કરી છે. અરજીનો નિર્ણય ન આવે ત્યાં સુધી વચગાળાના જામીન પણ માંગ્યા છે. સુપ્રીમ કોર્ટે ઝુબેરને જામીન આપતા કહ્યું કે ધરપકડની સત્તાનો સંયમથી ઉપયોગ કરવો જોઈએ. કોર્ટે કહ્યું કે ઝુબૈરને અનંત સમયગાળા માટે અટકાયતમાં રાખી શકાય નહીં.
મોહમ્મદ ઝુબેરની સામે છ કેસ દાખલ હતા
એક લોકપ્રિય હિન્દી ફિલ્મનો સ્ક્રીનશોટ શેર કરતી ચાર વર્ષ જૂની ટ્વીટ કરવા બદલ મોહમ્મદ ઝુબેરની ધરપકડ કરવામાં આવી હતી. ધરપકડના થોડા દિવસો પહેલા જ મોહમ્મદ ઝુબેરે સોશિયલ મીડિયા પર ભાજપના સસ્પેન્ડેડ પ્રવક્તા નૂપુર શર્માની વિવાદીત ટીપપ્ણીનો ટીવી ડિબેટના વીડિયો પોસ્ટ કર્યો હતો. લખીમપુર ખેરી, હાથરસ અને સીતાપુરમાં એક ટ્વીટને લઈને ત્રણ કેસ દાખલ કરવામાં આવ્યા હતા, જેમાં તેમણે જમણેરી પાંખના કેટલાક નેતાઓને "નફરત ફેલાવનારાઓ" કહ્યા હતા. લખીમપુરમાં સુદર્શન ન્યૂઝના એક કર્મચારીએ શ્રી ઝુબૈર પર ઇઝરાયેલ-પેલેસ્ટાઇન વિવાદના તેમની ચેનલના કવરેજ અંગે લોકોને ગેરમાર્ગે દોરવાનો આરોપ લગાવતા કેસ દાખલ કર્યો હતો.