સમજૂતી / ફેસબૂકની અકડ પડી ઢીલી, ન્યૂઝ બેન હટાવવા પર ઑસ્ટ્રેલિયા સાથે કર્યુ સમાધાન

• ફેસબુકે ઑસ્ટ્રેલિયામાં પ્રતિબંધ હટાવવાની જાહેરાત કરી 
• સમાધાનના આધારે આ પ્રતિબંઘ હટાવવાનો નિર્ણય 
• યુઝર્સને ન્યુઝ પ્રકાશિત કરવાની અનુમતિ મળશે

ઑસ્ટ્રેલિયામાં ન્યુઝ પ્રકાશિત કરવાના પ્રતિબંધ પર ફેસબુકની અકડ હવે ઢીલી થઈ ગઈ છે. ઑસ્ટ્રેલિયા સરકારના સખત અભિગમ અને પસાર કરેલા ખરડામાં થોડાં ફેરફારની જાહેરાત બાદ ફેસબુકે કહ્યું છે કે, તે પોતાના યુઝર્સને આગામી દિવસોમાં ધીરે ધીરે ન્યુઝ પ્રકાશિત કરવાની અનુમતિ આપશે. એવું અનુમાન લગાવવામાં આવી રહ્યું છે કે, ફેસબુકે ઑસ્ટ્રેલિયા સરકાર સાથે એક સમાધાનના આધારે આ પ્રતિબંઘ હટાવવાનો નિર્ણય લેવાયો છે. 

સમાધાન પર સહમતિ

ઑસ્ટ્રેલિયા અને ન્યુઝીલેન્ડ માટે ફેસબુકના એમ.ડી. વિલિયમ ઈસ્ટને કહ્યું, " અમને એ વાતનો ઘણો આનંદ છે કે, અમે ઑસ્ટ્રેલિયા સરકાર સાથે એક સમાધાન પર સહમત થઈ ગયા છીએ ".  તેમણે કહ્યું કે, આ પ્રતિબંધને હટાવવાની દિશામાં રચનાત્મક વાતચીત થઈ છે. ઈસ્ટને કહ્યું કે, "  અમે એવા ફ્રેમવર્કની તરફેણ કરી છે કે, જે ઑનલાઈન પ્લેટફોર્મ અને પબ્લિશર્સ વચ્ચે ઈનોવેશન અને સહયોગને  આગળ ધપાવશે ". 

પબ્લિક જર્નલિઝમમાં વધુ રોકાણની શક્યતાઓ

ઈસ્ટને જણાવ્યું  હતું કે, " આગળની વાતચીત પછી અમે ઑસ્ટ્રેલિયા સરકારને ઘણાં ફેરફારો અને ગેરંટી માટે એકમત કર્યા છે. આ ફેરફારોના ફળ સ્વરુપે અમે હવે પબ્લિક જર્નલિઝમમાં વધુ રોકાણ કરી શકીએ છીએ અને આવનારા દિવસોમાં ઑસ્ટ્રેલિયાઈ લોકો માટે લાદેલા ફેસબુક પ્રતિબંધને હટાવીશું ". આ પહેલાં પી.એમ.એ ફેસબુકને પડકાર આપવા માટે ભારત અને કેનેડાના પી.એમ. સાથે વાત કરી હતી. 

ભારતના PM સાથે પણ થઈ હતી વાતચીત

ઑસ્ટ્રેલીયાના પ્રધાનમંત્રી સ્કૉટ મૉરિસને શુક્રવારે ફેસબુકને કહ્યું હતું કે, તેઓ ઑસ્ટ્રેલિયાના યુઝર્સ પર લગાવેલા પ્રતિબંધને હટાવી લે અને સમાચાર પ્રકાશિત કરવાવાળા વ્યવસાયો સાથે વાર્તાલાપ શરુ કરે. તો આ સાથે તેમણે ચેતાવણી પણ આપી હતી કે, અન્ય દેશ પણ સમાચાર રજુ કરવાની દોડમાં ડિજિટલ કંપનિયોથી ટેક્સ વસુલવા માટે તેમની સરકારના પગલાંનુ અનુસરણ કરી શકે છે. મૉરિસને જણાવ્યું હતું કે, તેમણે ફેસબુક વિવાદને લઈને ગુરુવારે ભારતના પ્રધાનમંત્રી નરેન્દ્ર મોદી સાથે વાત કરી હતી. 

બ્રિટન, કેનેડા, ફ્રાંસ સાથે પણ કાયદા પ્રસ્તાવ માટે ચર્ચા

મૉરિસને કહ્યું હતું કે,"તેઓ બ્રિટન, કેનેડા અને ફ્રાંસના નેતાઓ સાથે પણ ઑસ્ટ્રેલસિયાના આ પ્રસ્તાવિત કાયદા અંગે વાત કરી રહ્યાં છે" . વધુમાં તેમણે જણાવ્યું હતુ કે, " ઑસ્ટ્રેલિયા જે કરી રહ્યું છે તેમાં ઘણા દેશોને રસ છે. એટલે હું ગૂગલ સમાન જ ફેસબુકને આમંત્રિત કરુ છું કે તે રચનાત્મક રીતથી ચર્ચા કરે. કેમ કે, તેઓ જાણે છે કે, ઑસ્ટ્રેલિયા અહીંયા જે કરવા જઈ રહ્યું છે તેનું અનુસરણ ઘણાં પશ્ચિમી દેશ પણ કરી શકે છે.   "