ફેસબુકના સીઇઓ માર્ક ઝુકરબર્ગે પોતાની પત્ની પ્રિસિલા ચાન માટે એક ચમકનારુ સ્લીપ બોક્સ બનાવ્યું છે. જેથી તે આખી રાત શાંતિથી સુઇ શકે.
ન્યૂયોર્કઃ ફેસબુકનાં સીઇઓ માર્ક ઝુકરબર્ગે પોતાની પત્ની પ્રિસીલા ચાન માટે એક ચમકતું સ્લીપ બોકસ બનાવ્યું છે જેથી તે આખી રાત ચેનથી સૂઇ શકે. સવારે બાળકો ઊઠે તે પહેલાં ઊઠી પણ શકે. આ જાણકારી ઝકરબર્ગે ફેસબુક પોસ્ટ દ્વારા આપી છે. ઝકરબર્ગે કહ્યું કે પ્રિસીલાએ રોજ સવારે બાળકો માટે ઊઠવું પડે છે અને રાત્રે તે વારંવાર ફોન ચેક કરે છે. તેની ચિંતામાં તેની ઊંઘ પૂરી થઇ શકતી નથી. મારું સ્લીપ બોકસ હવે તેની મદદ કરશે.
આ સ્લીપ બોક્સ સવારે ૬-૦૦થી ૭-૦૦ની વચ્ચે ચમકે છે. ઝુકરબર્ગે જણાવ્યું કે આ લાઇટથી તે સમજી જશે કે હવે અમારા બેમાંથી કોઇ એકે ઊઠીને બાળકોને તૈયાર કરવાનાં છે. સાથે આ બોકસની લાઇટ એટલી મધ્યમ છે કે કોઇની ઊંઘ ખરાબ નહીં થાય. ઝુકરબર્ગે લખ્યું કે અત્યાર સુધી આ બોકસ ધાર્યા કરતાં વધુ સારું કામ કરી રહ્યું છે અને પ્રિસીલા હવે શાંતિ સૂઇ શકે છે. એક એન્જિનિયર તરીકે મારે મારા પાર્ટનર માટે એવું ડિવાઇસ બનાવવું હતું જે તેને સારી ઊંઘ આપી શકે.
મારો પ્રેમ અને આભાર વ્યકત કરવાની આ સૌથી યોગ્ય રીત છે. ઝુકરબર્ગનાં આ નવા ઇનોવેશનને સોશિયલ મીડિયા પર મિકસ પ્રતિક્રિયાઓ મળી રહી છે. કેટલાક લોકો તેનાં વખાણ કરી રહ્યાં છે તો કેટલાક લોકો તેની ટીકા કરી રહ્યા છે. બ્રિટિશ સિંગર લીલી એલને કહ્યું કે શું ઝબરબર્ગ એવું અલગોરિધમ બનાવી શકે છે જેનાથી ફેસબુક પર જાતિવાદી સામગ્રી પર કાબૂ મેળવી શકાય.