Alert / ફેસબુક બંધ કરશે આ બે કામના ફીચર્સ, તમને ફાયદો થશે કે નુકસાન? જાણો

• ફેસબુક Nearby Friends અને Weather Alertsને કરશે બંધ
• આ બંને ફીચર્સ 31 મે 2022 બાદ કામ નહીં કરે
• કંપનીએ કહ્યું, સર્વર પરથી ડિલીટ કરી દેવામાં આવશે

ફેસબુક તેની બે સર્વિસ કરશે બંધ

Nearby Friendsથી યુઝર ફેસબુક ફ્રેન્ડની લોકેશનને ટ્રેક અને શેર કરી શકે છે. ફેસબુક જે બીજી સર્વિસ બંધ કરી રહ્યું છે તે Weather Alerts ફીચર છે. જેનાથી યુઝર્સને હવામાનની જાણકારી આપવામાં આવે છે. ફેસબુકને જે નોટીસ જાહેર કરી છે તે મુજબ Nearby Friends અને Weather Alerts ફીચર્સ 31 મે 2022 બાદ કામ નહીં કરે. સોશિયલ મીડિયા પ્લેટફોર્મે એવુ પણ કહ્યું છે કે યુઝર્સે જે લોકેશન હિસ્ટ્રીને શેર કરી છે તેને 1 ઓગષ્ટ 2022 સુધી જોવામાં આવી અને ડાઉનલોડ કરી શકાય છે. કંપનીએ કહ્યું છે કે ત્યારબાદ તેને સર્વર પરથી ડિલીટ કરી દેવામાં આવશે.

હજી પણ લોકેશન હિસ્ટ્રીને કલેક્ટ કરશે ફેસબુક

ફેસબુકે એવુ પણ જણાવ્યું છે કે આ ફીચર્સ માટે ટ્રેકિંગ અને લોકેશનની જાણકારીને કલેક્ટ કરવી 31 મે 2022થી બંધ કરી દેશે. જેનો અર્થ એ નથી કે કંપની લોકેશનની જાણકારીને કલેક્ટ નહીં કરે. ફેસબુકે કહ્યું કે લોકેશન હિસ્ટ્રીને બીજા ફીચર્સ માટે સતત કલેક્ટ કરવામાં આવશે. જો કે, કંપનીએ સ્પષ્ટ કર્યુ નથી કે કયા ફીચર્સ માટે લોકેશન હિસ્ટ્રીને કલેક્ટ કરવામાં આવશે. બીજા મેટા પ્લેટફોર્મ ઈન્સ્ટાગ્રામ યુઝર માટે એક નવુ ફીચર  ટેસ્ટ કરી રહ્યું છે. 

ઈન્સ્ટાગ્રામ યુઝરની પ્રોફાઈલ માટે પિન્ડ પોસ્ટ કરી રહ્યું છે ટેસ્ટ

ઈન્સ્ટાગ્રામ યુઝરની પ્રોફાઈલ માટે પિન્ડ પોસ્ટ ટેસ્ટ કરી રહ્યું છે. જેને મનપસંદ યુઝર્સની સાથે ટ્રાય કરી શકાય છે. જેનાથી યુઝર્સ તેની પ્રોફાઈલ પર ઈન્સ્ટાગ્રામ પોસ્ટને પિન કરી શકે છે. આ ફીચર ટ્વિટર પીન જેવુ જ છે.