હવે તમે પૉપ્યુલર મેસેજિંગ એપ વોટ્સએપ પર સામાન પણ ખરીદી શકશો. એટલે કે તમે વોટ્સએપ પર ઑનલાઇન શોપિંગ પણ કરી શકશો. વૉટ્સએપ પર યૂઝર્સને પોતાની પસંદગીના બેન્ડ્સ અને બિઝનેસ પર શૉપિંગ કરવાનું ફીચર મળશે. એની જાહેરાત Facebook એ F8 અનુઅલ ડેવલોપર કૉન્ફ્રેન્સ દરમિયાન કરી છે. ફેસબુકે જણાવ્યું કે એ કોઇ પણ રીતે વૉટ્સએપને બિઝનેસેજ માટે સારું બનાવવાની યોજના પર કામ કરી રહ્યા છે. સાથે જ ફેસબુકે મેસેન્જર એપને ડેસ્કટૉપ વર્ઝન પણ લૉન્ચ કર્યું, જે આ વર્ષના અંત સુધીમાં વિન્ડોઝ અને મેક ઓએસ માટે ઉપલબ્ધ થશે. ફેસબુકે કહ્યું કે ગ્રાહક અને કોઇ બિઝનેસની વચ્ચે ચેટિંગના એક્સીપિરયન્સને પૂરી રીતે બદલી નાંખશે.
વૉટ્સએપ પર જ સીધું શૉપિંગ ફીચરનો ઘણા બધા ગ્રાહક રાહ જોઇ રહ્યા છે, ફેસબુક એક વિકલ્પ લાવ્યું છે જેની મદદથી બિઝનેસ પોતાની પ્રૉડક્ટ કેટલોગ ચેટમાં જ એડ કરી શકશે. નવા ફીચરની સાથે વૉટ્સએપ યૂઝર્સ કોઇ બિઝનેસ બ્રાન્ડની સાથે ચેટ કરવા પર એનું કેટલોગ જોઇ શકશે અને એમાંથી પોતાની પસંદની પ્રોડક્ટ પસંદ કરી શકશે. જોવાનું એ રસપ્રદ છે કે વૉટ્સએપ પર આ ફીચર કેવી રીતે કામ કરશે અને અત્યાર થઇ રહેલા ટેસ્ટિંગ બાદ આ વર્ષના અંત સુધી આ ફીચર એપમાં જોડી દેવામાં આવશે.
ફેસબુક આવનારા સમયમાં ઝડપથી ઘણા બિઝનેસ સંબંધી ફીચર્સ મેસેજિંગ એપમાં લાવનાર છે અને વૉટ્સએપ પેમેન્ટ્સ પણ સત્તાવરા ખૂબ જલ્દીથી લૉન્ચ થઇ શકે છે. ફેસબુક બિઝનેસને ગ્રાહક સાથે જોડવાને લઇને ઘણા સ્તર પર કામ કરી રહ્યું છે. વૉટ્સએપ ઉપરાંત ફેસબુક પોતાના મેસેન્જર એપમાં પણ કોઇ જરૂરી ફેરફાર કરનાર છે.