સોશિયલ મીડિયા કંપનીઓએ એકવાર ફરી અમેરિકાના રાષ્ટ્રપતિ ડોનાલ્ડ ટ્રમ્પ સામે ખોટી જાણકારી આપવાને લઇને એકશન ભર્યું પગલુ લીધુ છે. ખરેખર, ટ્રમ્પે પોતાના સોશિયલ મીડિયા પર એક પોસ્ટ કરી હતી, જેમાં લખ્યું હતું કે કોરોના વાયરસ ફલૂ જેવો જ છે. જેના પર ટ્વિટર અને ફેસબુકે એકશન લેતા આ ખોટી જાણકારીવાળી પોસ્ટમાં નાંખી દીધી છે.
ફેસબુક અને ટ્વિટરે અમેરિકાના રાષ્ટ્રપતિ ડોનાલ્ડ ટ્રમ્પની સોશિયલ મીડિયા પોસ્ટ વિરુદ્ધ એકશન લીધું છે. જેમાં જણાવામાં આવ્યું છે કે ટ્રમ્પની પોસ્ટમાં કોરોના વાયરસ મહામારી સાથે જોડાયેલી ખોટી સૂચના આપવામાં આવી.
સોશિયલ મીડિયા કંપનીએ જણાવ્યું કે કોવિડ-19ને માત્ર ફલૂ જેવી બતાવી નિયમોનું ઉલ્લંઘન કર્યું છે. ફેસબુકે અમેરિકાના રાષ્ટ્રપતિ ટ્રમ્પની પોસ્ટ સામે કાર્યવાહી કરતા તેને હટાવી દીધી છે. કંપનીએ જણાવ્યું છે કે જો કે ત્યાં સુધીમાં ટ્રમ્પની આ પોસ્ટ 26 હજાર લોકોએ શેર કરી દીધી હતી.
ફેસબુકના એક પ્રવક્તાએ ન્યૂઝ એજન્સી રૉયટર્સે જણાવ્યું કે, અમે કોવિડ-19ની ગંભીરતા અંગે ખોટી જાણકારી આપનારી પોસ્ટને હટાવી દઇએ છીએ. દુનિયાની સૌથી મોટી સોશિયલ મીડિય કંપની તરફથી અમેરિકાના રાષ્ટ્રપતિ વિરુદ્ધ એકશન લેવામાં આવે તે એક દુર્લભ છે.
આ વોર્નિંગ લેબલ બતાવે છે કે પોસ્ટ દ્વારા કોવિડ-19ને લઇને ખોટી જાણકારી ફેલાવામાં આવી છે અને કંપનીના નિયમોનું ઉલ્લંઘન કરવામાં આવ્યું છે. 2019-20માં અમેરિકામાં ફલૂના કારણે 22,000થી વધારે લોકોના મૃત્યું થયા હતા. જ્યારે કોરોના વાયરસના કારણે અમેરિકામાં અત્યાર સુધીમાં બે લાખ દસ હજારથી વધારે લોકો પોતાનો જીવ ગુમાવી ચૂક્યાં છે.
ઉલ્લેખનીય છે કે ટ્વિટર પર ખોટી જાણકારીવાળા ટ્વિટર પર વોર્નિંગ લેબલ લગાવામાં આવે છે. રાષ્ટ્રપતિ ડોનાલ્ડ ટ્રમ્પ સાથે આ અગાઉ પણ ઘણી વખત આવું થઇ ચૂક્યું છે.