એપ્લિકેશન / હવે TikTok જેવા જ વીડિયો Facebookમાં પણ બનશે, આવી રહી છે નવી એપ

ભારત સહિત દુનિયાભરમાં પોપ્યુલર ટિકટોકની શોર્ટ વિડીયો શેરિંગ એપની હાલ મોનોપોલી છે. પરંતુ તેને હવે જોરદાર સ્પર્ધાનો સામનો કરવો પડે તેમ છે. સોશિયલ મિડીયા જાયન્ટ ફેસબુક હવે શોર્ટ વિડીયો શેરિંગ એપ લઇને આવી રહ્યું છે. ટેક વર્લ્ડમાં આ અંગેની જોરદાર ચર્ચા છે કેમ કે ટવીટરની શોર્ટ વિડીયો શેરિંગ સર્વિસ વાઇનના જનરલ મેનેજર રહેલા જેસન ટોફે પ્રોડકટ મેનેજમેન્ટ ડાયરેકટર તરીકે ફેસબુક જોઇન કર્યુ છે. 

ટોફ ગુગલમાં પણ કામ કરી ચુકયા છે. ફેસબુક દ્વારા એકસપરિમેન્ટલ એપ્સ બનાવવા માટે એનપીઇ તરીકે ઓળખાતી ખાસ ટીમ બનાવવામાં આવી છે.  ટોફ ગુગલમાં વર્ચ્યુલ રિયાલિટી ડિપાર્ટમેન્ટમાં કામ કરતા હતા. ફેસબુકમાં જોકે હવે કયા નવા પ્રોજેકટ પર ટોફ કામ કરશે તેના અંગે કોઇ સ્પષ્ટતા કરાઇ નથી. પરંતું ફેસબુક કંઇક નવું લઇને આવી રહ્યું છે તે નક્કી છે. ફેસબુકે જોકે એવી જાહેરાત કરી હતી કે તે નવી એપ્સ બનાવવા પર કામ કરશે.

Now that we've moved to CA, I suppose it's a good time to share what I'm up to next! In two weeks, I'll be joining Facebook as a PM Director starting up a new initiative under the recently formed NPE team (https://t.co/HzK6Bjqzqx)

— Jason Toff (@jasontoff) July 15, 2019

લોકોને નવી એપ નહીં ગમે તો તેને તરત જ બંધ કરી દેશે. ટુંકમાં આ નવી ટીમ નવા નવા એકસપરિમેન્ટ કરશે. જેમાં ટિકટોક જેવી શોર્ટ વિડીયો એપનો પણ સમાવેશ થાય છે. ફેસબુકના કહેવા મુજબ નવી ટીમ લોકોને આગવી કમ્યુનિટી બનાવવાના નવા પ્લેટફોર્મ આપશે. ઉલ્લેખનીય છે કે ચીનના બીજીંગ સ્થિત સ્ટાર્ટ અપ કંપની Byte Dance દ્વારા બનાવાયેલી ટિકટોકના બિઝનેસમાં 2019ના પ્રથમ છ મહિનામાં 28 ટકાનો વધારો થયો છે. શોર્ટ વિડીયો એપની લોકપ્રિયતા જોતા ફેસબુક ઉપરાંત સોશિયલ મિડીયા અને મોબાઇલ ટેકનોલોજીની કેટલીક મોટી કંપનીઓ પણ નજીકના ભવિષ્યમાં ટિકટોક જેવી એપ લોન્ચ કરે તેવી પણ શકયતા છે.