વિશ્વની સૌથી મોટી સોશ્યલ નેટવર્કિંગ સાઈટ ફેસબુકે જિઓ પ્લેટફોર્મ પર મોટા રોકાણની જાહેરાત કરી છે. કંપની દ્વારા જાહેર કરાયેલા એક નિવેદનમાં કહેવામાં આવ્યું છે કે ફેસબુક જિઓ પ્લેટફોર્મ પર 9.99 ટકા ભાગીદારી માટે 43,574 કરોડ રૂપિયાનું રોકાણ કરશે.
ફેસબુકે કરી મોટી જાહેરાત
રિલાયન્સ જિઓની 9.99 ટકા ભાગીદારી ખરીદી
ફેસબુક બન્યું જિઓ કંપનીનો સૌથી મોટો શેરહોલ્ડર
બુધવારે આ મોટી ડીલ બાદ ફેસબુક હવે જિઓ કંપનીનો સૌથી મોટો શેરહોલ્ડર બની ગયો છે. આ રોકાણ પછી જિઓ પ્લેટફોર્મ્સનું એન્ટરપ્રાઇઝ મૂલ્ય હવે વધીને 4.62 લાખ કરોડ થઈ ગયું છે.
Facebook to invest Rs 43,574 crores in Jio platforms for a 9.99% equity stake: Jio-Reliance Industries Limited statement
ફેસબુકે કહ્યું, 'આ રોકાણ ભારત પ્રત્યેની અમારી પ્રતિબદ્ધતાને પ્રતિબિંબિત કરે છે. જિઓએ ભારતમાં જે મોટા ફેરફારો કર્યા છે તેનાથી અમે પણ ઉત્સાહિત છીએ. ચાર વર્ષથી ઓછા સમયમાં રિલાયન્સ જિઓ 38 ઓનલાઇન પ્લેટફોર્મ પર 388 મિલિયનથી વધુ લોકોને (લગભગ 38 કરોડ) લાવ્યો છે. તેથી અમે Jio દ્વારા ભારતમાં વધુ લોકો સાથે જોડાવા માટે પ્રતિબદ્ધ છીએ. '
વર્ષ 2016માં જિયોના લૉન્ચિંગ બાદ રિલાયન્સ દેશની એકમાત્ર એવી કંપની તરીકે ઉભરી છે જે ઝડપથી વધતાં ભારતીય બજારમાં અમેરિકન ટેકનીકલ સમૂહોની સાથે પ્રતિસ્પર્ધા કરવામાં સક્ષમ છે. રિલાયન્સે મોબાઇલ ટેલીકોમથી લઈને હોમ બ્રોડબેન્ડ સુધી દરેક ચીજમાં ઈ-કોમર્સનો વિસ્તાર કર્યો છે.