ભારતમાં ટીકટોકની ભારે લોકપ્રિયતા બાદ હવે ફેસબુક પણ ટીકટોકને ટક્કર આપવા માટે ભારતમાં તેની એપ લોન્ચ કરવાની તૈયારીમાં છે. ફેસબુકની એપ આવ્યા બાદ ભારતમાં આ બે એપ વચ્ચે હરીફાઈ જોવા મળશે. હાલ ફેસબુક ટીકટોકને ટક્કર આપવાની રણનીતિ પર કામ કરી રહ્યું છે. આ એપ અમેરિકામાં પહેલાં જ લોન્ચ કરી દેવામાં આવી છે.
ટીકટોકને ટક્કર આપવા માટે નવી વીડિયો એપ Lasso
ફેસબુક આ એપ માટે મોટી તૈયારીમાં
ટીકટોકનાં સ્ટાર્સને પોતાની એપમાં ટ્રાન્સફર કરવા કામ કરી રહી છે ફેસબુક
જો ફેસબુક તેની એપ લોન્ચ કરે તો બંને વચ્ચે હરીફાઈ જોવા મળી શકે
ફેસબુકે ગયા વર્ષે ટીકટોકને ટક્કર આપવા માટે નવી વીડિયો એપ Lasso લોન્ચ કરી હતી. જોકે તે વખતે આ એપ માત્ર અમેરિકામાં લોન્ચ કરવામાં આવી હતી. હવે ખબર અવી રહી છે કે કંપની તેની આ એપ ભારતમાં લોન્ચ કરવાની તોયારી કરી રહી છે. માનવામાં આવી રહ્યું છે કે ફેસબુક આ એપ માટે મોટી તૈયારીમાં છે. અહી ઉલ્લેખનીય છે કે ભારતમાં ટીકટોક અતિ લોકપ્રિય છે એવામાં જો ફેસબુક તેની એપ લોન્ચ કરે તો બંને વચ્ચે હરીફાઈ જોવા મળી શકે છે.
ફેસબુક કંપની હાલમાં સિંગાપુરમાં લોન્ચિંગથી જોડાયેલા કામ ધ્યાન કેન્દ્રિત કરી રહી છે
એક અહેવાલ અનુસાર કંપની ભારતમાં આ વર્ષે એપને લોન્ચ કરી શકે છે જે ટીકટોકને ટક્કર આપશે. એક સૂત્ર અનુસાર જાણવા મળ્યું છે કે કંપની અત્યારે ટીકટોકનાં ગ્રોથ વધવાના કારણો સમજી રહી છે. આ સિવાય કંપની ટીકટોકને જોરદાર ટક્કર આપવાની તૈયારી કરી રહી છે. ફેસબુક કંપની હાલમાં સિંગાપુરમાં લોન્ચિંગથી જોડાયેલા કામ ધ્યાન કેન્દ્રિત કરી રહી છે.
અત્યારે ફેસબુક વધારે ફાયદો આપવાની લાલચ આપીને મોટા સેલિબ્રિટીને આ એપમાં લાવી શકે
ભારતમાં ટીકટોકનું ખુબ મોટું માર્કેટ છે જેના લીધે ફેસબુકને અહી હરીફાઈનો સામનો કરવો પડશે જેના માટે કંપની મોટી રણનીતિ પર કામ કરી રહી છે. કંપની ટીકટોકનાં મોટા સ્ટાર્સ અને ઇન્ફ્લુએન્સર્સને ટીકટોકમાંથી Lassoમાં ટ્રાન્સફર કરાવી શકે છે. અત્યારે ફેસબુક વધારે ફાયદો આપવાની લાલચ આપીને મોટા સેલિબ્રિટીને આ એપમાં લાવી શકે છે. અમેરિકામાં લોન્ચ થયા બાદ લાખો લોકોએ એપને ડાઉનલોડ કરી હતી. એક અહેવાલ અનુસાર ફેસબુક ભારતની સાથે સાથે ઇન્ડોનેશિયા જેવા દેશોમાં પણ લોન્ચ કરી શકે છે.