ફરી એકવાર ફેસબુક પર હેકર્સે હુમલો કર્યો અને પાંચ કરોડ ફેસબુક યુઝર્સનો ડેટા ચોરી થયો. આ વાતની કબૂલાત ખુદ ફેસબુકે કરી છે. આ સોશિયલ નેટવર્કિંગ સાઈટનું કહેવું છે કે તેમના કમ્પ્યુટર નેટવર્ક પર હેકર્સે હુમલો કર્યો અને યુઝર્સનો ડેટા ચોરી કર્યો.
ઉલ્લેખનીય છે કે ફેસબુક કોડના એક ફિચર પર હેકર્સે હુમલો કર્યો અને યુઝર્સના એકાઉન્ટ સુધી હેકર્સ પહોંચ્યા હા. જો કે ફેસબુકે આ ગરબડને સુરક્ષિત કરી છે.
પરંતુ ફેસબુકે આ અંગેની માહિતી સુરક્ષા એજન્સીને પણ આપી છે. એટલું જ નહીં શુક્રવારે 9 કરોડથી પણ વધુ યુઝર્સના જનરલ લોગ આઉટ કરવામાં આવ્યા. જેથી તેઓના એકાઉન્ટ સુરક્ષિત કરી શકાય.
આ મામલે ફેસબુકનું કહેવું છે કે હુમલાખોરો વિશે હજુ જોઈ માહિતી મળી નથી પણ આગળ તપાસ હાથ ધરાઈ છે. ઉલ્લેખનીય છે કે ફેસબુકના ઈતિહાસમાં આ સૌથી મોટી હેકિંગની ઘટના છે.
આ પહેલાં 2016માં રાષ્ટ્રપતિ ચૂંટણીમાં રશિયાના પ્રોપેગન્ડા અભિયાનને લઈને ફેસબુકને આકરી નિંદાનો ભોગ બનવું પડ્યુ હતું. ઉપરાંત કેમ્બ્રિજ એનાલિટિકા સ્કેન્ડલ પણ સામે આવ્યું હતું. ત્યારે હવે ફેસબુકના યુઝર્સના ડેટા કેટલા સુરક્ષિત છે તે અંગે પણ સવાલ ઊભા થયા છે.