ફેરફાર / Facebook મેસેન્જરમાંથી હટ્યું આ મહત્વનું ફીચર, યુઝર્સને હવે થશે પરેશાની

• ફેસબુક મેસેન્જરમાં થયો ફેરફાર
• અકાઉન્ટ વિના નહીં થાય લોગઈન
• યુઝર્સને પડશે તકલીફ

ફેસબુકે વેન્ચરબેટને આપેલા નિવેદનમાં આ ફેરફારની પુષ્ટિ કરી છે. અત્યાર સુધી નવા યુઝર્સ મેસેન્જર લાઈટને ફેસબુક અકાઉન્ટ વિના જ માત્ર ફોન નંબરથી એક્સેસ કરી શકતા હતા. 

પ્રોસેસને સરળ બનાવવા આવું કર્યું

ફેસબુકના પ્રવક્તાએ વેન્ચરબીટને કહ્યું, 'જો તમે મેસેન્જર યુઝ કરો છો તો તમે જોઈ શકશો કે હવે તમારે કોઈની પણ સાથે વાત કરવા માટે ફેસબુક અકાઉન્ટ બનાવવું પડશે. કંપનીએ આ બદલાવ અંગે કહ્યું કે, જે યુઝર્સ મેસેન્જર યુઝ કરે છે તેઓ પહેલાંથી જ ફેસબુક અકાઉન્ટમાં લોગ ઈન કરેલું હોય છે. જેથી આ પ્રોસેસને સરળ બનાવવા માટે આવું કરવામાં આવ્યું છે. જોકે, કંપનીએ એવું પણ કહ્યું છે કે, જે યુઝર ફેસબુક અકાઉન્ટના મેસેન્જરને યુઝ કરે છે તેમને કંઈ જ કરવાની જરૂર નથી, પણ હવે નવા યુઝર્સને આ સુવિધા નહીં મળે. વેન્ચરબીટની રિપોર્ટ મુજબ જે ફેસબુક અકાઉન્ટ વિના જ મેસેન્જર યુઝ કરી રહ્યા હતા અને હવે આવા યુઝર્સને મેસેન્જર લાઈટ યુઝ કરવામાં પરેશાની થઈ રહી છે. 

કંપની ક્રોસ પ્લેટફોર્મ મેસેજિંગની તૈયારીમાં છે

ફેસબુકના આ ફેરફારથી હિન્ટ મળી રહી છે કે, કંપની ક્રોસ પ્લેટફોર્મ મેસેજિંગની તૈયારીમાં છે. કંપનીએ પહેલાં જ કહી દીધું છે કે આવનારા સમયમાં તે મેસેન્જર, ઈન્સ્ટાગ્રામ અને વોટ્સએપમાં ક્રોસ પ્લેટફોર્મ મેસેજિંગનો ઓપ્શન આપવામાં આવશે. એટલે કે આ ફીચર આવ્યા બાદ તમે વોટ્સએપથી સીધું ઈન્સ્ટાગ્રામ પર મેસેજ કરી શકશો.