ફેરફાર / Facebook માં અત્યાર સુધીનો સૌથી મોટો બદલાવ કરવાની તૈયારીમાં ઝકરબર્ગ, બસ આ તારીખે થઈ શકે છે જાહેરાત

• ફેસબુક બદલી દેશો નામ? 
• જાણો ઝકરબર્ગે શું કરી જાહેરાત 
• ફેસબુકનું ભવિષ્ય વર્ચ્યુઅલ મેટાવર્સમાં છેઃ ઝકરબર્ગ

મેટાવર્સ પર ધ્યાન આપવા માટે ફેસબુક એક નવા નામની સાથે કંપનીને રીબ્રાંડ કરવાની તૈયારી કરી રહ્યું છે. આ જાણકારી એક રિપોર્ટમાં સામે આવી છે. CEO માર્ક ઝકરબર્ગ 28 ઓક્ટોબરે અન્યુઅલ કનેક્ટ કોન્ફ્રેન્સમાં કંપનીના નવા નામને લોન્ચ કરશે. જોકે રિપોર્ટ અનુસાર નામની જાહેરાત પહેલા પણ કરવામાં આવી ચુકી છે. 

હકીકતે ફેસબુક સોશિયલ મીડિયાથી પણ આગળ નિકળવાની તૈયારી કરી રહ્યું છે. કંપનીએ રવિવારે જાહેરાત કરી છે કે તે યુરોપમાં આવનાર પાંચ વર્ષમાં 10,000 નોકરીઓમાં ભરતી કરવાની તૈયારી કરી રહ્યું છે. જેથી કંપની મેટાવર્સ બનાવવામાં તેની મદદ લઈ શકે. કંપની મેટાવર્સને જ ફ્યુચર માની રહી છે. 

આ સ્માર્ટફોનની જેમ પોપ્યુલર થશે
કંપનીએ એક મહિના પહેલા આ જાહેરાત કરી હતી કે AR અને VRના ચીફ આંદ્રે બોસવર્થને ચીફ ટેક્નોલોજી ઓફિસરના રૂપમાં પ્રમોટ કરવામાં આવશે. ફેસબુકમાં પહેલાથી જ 10,000થી વધારે કર્મચારીઓ છે જે AR ગ્લાસ જેવા કમ્ઝ્યુમર હાર્ડવેય બનાવે છે. તેને લઈને ઝકરબર્ગનું માનવું છે કે આ સ્માર્ટફોનની જેમ પોપ્યુલર થશે.

ફેસબુકનું ભવિષ્ય વર્ચ્યુઅલ મેટાવર્સમાં છેઃ ઝકરબર્ગ
જુલાઈમાં ઝકરબર્ગે કહ્યું હતું કે ફેસબુકનું ભવિષ્ય વર્ચ્યુઅલ મેટાવર્સમાં છે. તેમાં યુઝર્સ અંદર રહેશે, કામ કરશે અને રમત પણ રમશે. જણાવી દઈએ કે મેટાવર્સ પર ફેસબુક જ નહીં, પરંતુ દુનિયાની ઘણી મોટી કંપનીઓએ ઈન્વેસ્ટ કર્યું છે. સીધા શબ્દોમાં તમે તેને વર્ચ્યુઅલ રિયાલિટીની જેમ સમજી શકો છો. 

હકીકતે, રીબ્રાંજિંગને લઈને જાણકારી એક એવા સમયે મળી છે જ્યારે ફેસબુકની કોઈ કૌભાંડને લઈને આલોચનો કરવામાં આવી રહી છે. તેમાં એક વ્હિસલબ્લોઅર, ફ્રાંસેસ હોગેન દ્વારા લીક કરવામાં આવેલા આંતરિક દસ્તાવેજોની એક સીરીઝનો સમાવેશ થાય છે. તેમણે સીનેટ સમિતિની સામે ગવાહી આપી હતી. ફેસબુક હજુ પણ અમેરિકી સરકાર દ્વારા અવિશ્વાસની તપાસના દાયરામાં છે.