ફેસબુક પર એક યુવકે લાઈવ આત્મહત્યાનો પ્રયાસ કર્યો. આયરલેન્ડમાં બેઠે ફેસબુક અધિકારીઓને જેવી આ અંગે જાણ થઈ તેમણે તાત્કાલિક દિલ્હી પોલીસને જાણ કરી માહિતી આપી હતી. દિલ્હી પોલીસ યુવકને શોધતી મંડાવલી સ્થિત ઘરે પહોંચી હતી. ત્યાંથી ખબર પડી કે તે મુંબઈ છે પછી આ રીતે કર્યુ અને જીવ બચાવ્યો.
પોલીસે યુવકનું કાઉન્સિલિંગ પણ કરાવ્યું
યુવક પોતાની પત્નીનું ફેસબુક અકાઉન્ટ વાપરે છે
યુવક 14 દિવસ પહેલા પત્ની સાથે લડાઈ કરીને મુંબઈ જતો રહ્યો હતો
દિલ્હી પોલીસને મહિતી મળી કે યુવક પોતાની પત્નીનું ફેસબુક અકાઉન્ટ વાપરે છે અને અત્યારે તે મુંબઈમાં છે. દિલ્હી પોલીસે તાત્કાલીક મુંબઈ પોલીસનો સંપર્ક કર્યો હતો. મુંબઈ પોલીસે સમય બગાડ્યા વગર યુવક પાસે પહોંચી ગઈ. એ બાદ પોલીસે યુવકનું કાઉન્સિલિંગ પણ કરાવ્યું. ફેસબુક દિલ્હી પોલીસ અને મુંબઈ પોલીસના સંયુક્ત પ્રયાસથી આજે યુવકનો જીવ બચી ગયો હતો. પરિવાર યુવકનો જીવ બચવાથી ખુશ હતો.
દિલ્હી પોલીસની સાઈબર સેલના અધિકારી ડૉ. અનીશ રૉયે જણાવ્યું કે શનિવારે સાંજે લગભર 7.51 વાગે તેમને આયરલેન્ડના ફેસબુક અધિકારીઓએ તેમને કોલ કર્યો હતો. મહિલા કોલરે તેમને યુવકની આત્મહત્યા અંગે જણાવ્યું હતું. એ બાદ તેના ફેસબુકનું લોકેશન દિલ્હીમાં આવી રહ્યુ હતુ.
એક મોબાઈલ નંબર પણ ફેસબુક અધિકારીઓએ ઉપલબ્ધ કરાવ્યો. ફોન નંબરના લોકેશન પૂર્વ દિલ્હીના મંડાવલીમાં આવ્યું હતુ. અનીશ રોયે તાત્કાલીક પોલીસ અધિકારીનો સંપર્ક કરી સ્થાનિક પોલીસને લોકેશન મોકલી તેના ઘરે રવાના કરતા ત્યાં એક મહિલા મળી હતી. તેણે કહ્યું કે આ નંબર તેનો છે અને તે સલામત છે. તેનું ફેસબુક અકાઉન્ટ તેનો પતિ વાપરે છે.
14 દિવસ પહેલા તેની સાથે લડાઈ કરીને મુંબઈ જતો રહ્યો હતો. મહિલાએ પતિનો નંબર આપ્યો પણ એડ્રેસ આપી શકી નહોતી. અનીશે મુંબઈ સાઈબર સેલને ફોન પર જાણ કરતા તેમણે ફોન પર વાત કરવાનો પ્રયાસ કરાતા તેણે નંબર બંધ કરી દીધો હતો. એ બાદ યુવકના ભાયંદર વાળા ઘરે તપાસ કરતા યુવક સલામત મળ્યો હતો. તે એક હોટેલમાં કામ કરે છે અને જીંદગીથી કંટાળી આમ કરી રહ્યો હતો. પોલીસે તેનું કાઉન્સેલિગ કરાવ્યું હતુ.