સોશિયલ મીડિયા પ્લેટફોર્મ ફેસબુક થોડા સમયમાં પોતાના યૂઝર્સ માટે એક નવુ અને સારું ફીચર લઇને આવવાનુ છે. આ નવા ફીચર દ્વારા ફેસબુક પર ઓડિયો એક્સપીરિયન્સને પહેલાથી વધુ સરળ બનાવવાનો પ્રયાસ કરાશે.
ફેસબુક પોતાના યૂઝર્સ માટે લાવી રહ્યું છે નવુ ફીચર
તમે ટૂંક સમયમાં લાઈવ ઓડિયો ફીચરની માણી શકશો મજા
ફેસબુક યુઝર લાઈવ ઓડિયો ડિસ્કશન સેશનને કરી શકશે હોસ્ટ
શું છે નવુ ફીચર ?
નવા ફીચર તરીકે ફેસબુક દુનિયાભરના પબ્લિક ફીગર અને ક્રિએટર્સને લાઈવ ઓડિયો રૂમનુ નવુ ફીચર આપવા જઇ રહ્યું છે. એવુ જણાવવામાં આવી રહ્યું છે કે ક્લબહાઉસની વધી રહેલી લોકપ્રિયતાને ધ્યાનમાં રાખી કંપની આ ફીચરને લાવી રહી છે. ફેસબુક તરફથી રજૂ કરવામાં આવતા નવા ફીચરનું નામ લાઈવ ઓડિયો રૂમ છે. નામ પરથી સ્પષ્ટ થાય છે કે આ ફીચર દ્વારા કોઈ પણ ફેસબુક યુઝર પ્લેટફોર્મ પર લાઈવ ઓડિયો ડિસ્કશન સેશનને હોસ્ટ કરી શકે છે.
તાજેતરમાં કંપનીએ કર્યુ લોન્ચ
ઉલ્લેખનીય છે કે કંપનીએ થોડા સમય પહેલાં આ ફીચર પર કામ કરવાનું શરૂ કર્યુ હતુ. પરંતુ કંપનીએ તાજેતરમાં આ ફીચરના રોલઆઉટ થયા હોવાની માહિતી આપી હતી. આ સિવાય ફેસબુકે પોતાના પ્લેટફોર્મ પર અમેરિકામાં પોડકાસ્ટ સાંભળવાનો વિકલ્પ જોડ્યો છે. ઉપરાંત કંપનીએ સાઉન્ડબાઈટ્સ ઓડિયો ક્લિપ ઓપ્શનનું પણ ટેસ્ટિંગ શરૂ કર્યુ છે.
Today, we’re now excited to be rolling out Live Audio Rooms to public figures and creators globally as well as groups around the world.
— Alexandru Voica (alexvoica.eth) 💀 (@alexvoica) October 11, 2021
એન્ડ્રોઈડ અને ડેસ્કટોપ માટે થશે લોન્ચ
ફેસબુકના એક અધિકારી Alexandru Voica એ પોતાના ટ્વિટર એકાઉન્ટ પર આ વાતની માહિતી આપી છે. તેમણે ટ્વિટ પર લખ્યું કે ફેસબુક ક્રિએટર્સને કોમ્યુનિટીની સાથે કનેક્ટ કરવા માટે એક નવુ ફીચર લઇને આવી રહ્યું છે. તેમણે પોતાની પોસ્ટમાં 2 તસ્વીર શેર કરી આ ફીચરનો ઓવરવ્યૂ પણ આપ્યો છે.
ફીચર એન્ડ્રોઈડ અને ડેસ્કટોપ માટે કરાશે લોન્ચ
ઉલ્લેખનીય છે કે, ફીચર એન્ડ્રોઈડ અને ડેસ્કટોપ માટે લોન્ચ કરવામાં આવશે. જોકે, અત્યારે આ ફીચરનું ટેસ્ટિંગ ચાલી રહ્યું છે. ફેસબુકે આ વર્ષે જૂન મહિનામાં આ ફીચર અંગે જાણકારી આપી હતી. તે સમયે આ ફીચર ફક્ત iOS માટે રજૂ કરવામાં આવ્યું હતુ. આ એક રીતે ટ્વિટરના સ્પેસની જેમ કામ કરશે.