દુનિયાની સૌથી ઉંચી પ્રતિમા સ્ટેચ્યુ ઓફ યુનિટીને વિશે આપ જાણતા જ હશો. ગુજરાતમાં દેશનાં પહેલા ગૃહમંત્રી અને સરદારને નામે પ્રખ્યાત એવાં વલ્લભભાઇ પટેલનાં સમ્માનમાં વિશ્વની સૌથી ઉંચી પ્રતિમા 'સ્ટેચ્યૂ ઓફ યુનિટી'નું નિર્માણ કરવામાં આવ્યું. આની ઉંચાઇ 182 મીટર છે તેમજ આ પ્રતિમાને તૈયાર કરવામાં અંદાજે 2 989 કરોડ રૂપિયા ખર્ચ થયાં.
જેનું અનાવરણ પ્રધાનમંત્રી શ્રી નરેન્દ્ર મોદીએ કર્યું હતું. સ્ટેચ્યૂ ઓફ યુનિટીની એક વેબસાઇટ www.statueofunity.in પણ છે કે જ્યાંથી આપ ટિકીટનું બુકિંગ કરાવી શકો છો પરંતુ ધ્યાને રાખવા જેવી બાબત એ છે કે આ વેબસાઇટની લિંકને પણ આપ ઇચ્છીને પણ ફેસબુક પર શેર નહીં કરી શકો.
ફેસબુક પર જેવું આપ www.statueofunity.inની લિંકને શેર કરો છો તો ફેસબુક આપને એક મેસેજ આપે છે કે આપ આ લિંકને ફેસબુક પર શેર કરો છો તે અમારા સમુદાયનાં ધોરણોની વિરૂદ્ધ છે. જેથી આપની આ પોસ્ટ આપ માત્ર જોઇ જ શકશો. નહીં કે તમારા કોઇ મિત્ર. પોસ્ટની નીચે બે વિકલ્પ પણ મળે છે કે જેમાં આ સ્પૈમ નથી અને મેં આને પોસ્ટ નથી કરેલ જે શામેલ છે. આપ ઇચ્છીને પણ આ લિંકને પોતાનાં ફેસબુક પર શેર નહીં કરી શકો. આપ ઇચ્છો તો તેને ટ્રાય કરી શકો છો.
હવે સવાલ એ છે કે આખરે ફેસબુકનાં સમુદાયનું ધોરણ શું છે. ફેસબુકનાં કોમ્યુનિટી સ્ટૈંડર્ડનાં ધોરણની વાત કરીએ તો ફેસબુક ખુદ કહે છે કે તે પોતાનાં પ્લેટફોર્મ પર આવી કોઇ જ સામગ્રીને શેર નહીં કરવા દે કે જેમાં નગ્નતા યૌન અશ્લીલતા ગાળ હિંસા આક્રમક સ્પૈમનાં સંકેત જોવા મળતા હોય.
હવે મોટો સવાલ એ ઉભો થાય છે કે આખરે સ્ટેચ્યુ ઓફ યુનિટીની વેબસાઇટ www.statueofunity.inમાં ન તો કોઇ અશ્લીલતા નજર આવી રહેલ અને ન તો કોઇ હિંસા. પછી ફેસબુકે આ લિંકને પોતાનાં સમુદાય વિરૂદ્ધ કેમ માનેલ છે? આનો જવાબ ફેસબુક જ આપશે.