સોશિયલ મીડિયા પ્લેટફોર્મે રિપોર્ટમાં જણાવ્યું કે અમેરિકા બાદ સૌથી વધુ વખત ભારતે માંગી સુચનાઓ
કંપનીની એથિક્સ કમીટીએ કહ્યું- ગયા વર્ષે 13.3 ટકા વધ્યો આગ્રહ
2020ના બીજા છ મહિનામાં 40,300 વખત યુઝર્સનો ડેટા આપવામાં માટે કહેવામાં આવ્યું
ગયા વર્ષે માંગી 62,754 એકાઉન્ટની ડિટેલ
વિશ્વના સૌથી મોટા સોશિયલ મીડિયા પ્લેટફોર્મ ફેસબુકે દાવો કર્યો છે કે ભારત સરકારે વર્ષ 2020ના બીજા છ મહિનામાં 40,300 વખત યુઝર્સનો ડેટા આપવામાં માટે કહેવામાં આવ્યું હતું. કંપનીના એથિક્સ કમિટીના આ રિપોર્ટ અનુસાર આ સંખ્યા દુનિયામાં અમેરિકા અને સૌથી વધુ 61,262 વખત કરવામાં આવેલા આગ્રહ બાદ બીજા નંબર પર છે.
સરકારે કેમ કરી યુઝર્સના ડેટાની માંગ?
આ રિપોર્ટ અનુસાર ભારતની તરફથી આ માંગ પહેલા છ મહિનામાં 35,560 વખત કરવામાં આવેલા આગ્રહથી 13.3% વધારે છે. પોતાના રિપોર્ટમાં ફેસબુકે કહ્યું, આ સમયગાળામાં સરકારના કહેવા પર 878 વખત ઓનલાઈન સામગ્રી પર રોક લગાવવામાં આવી. તેમાં 10 પર લાગેલી રોક અસ્થાયી હતી. 54 પર કોર્ટના આદેશ હેઠળ રોક લગાવવામાં આવી. સરકારે ટેક્નોલોજી એક્ટના સેક્શન 69એનું ઉલ્લંઘન કરતી સામગ્રી પર રોક લગાવવા કહ્યું છે. સરકારના જણાવ્યા અનુસાર આ પ્રકારની સામગ્રી દેશની સુરક્ષા અને જનવ્યવસ્થા વિરૂદ્ધ છે.
સરકારે 37,865 વખત યુઝર ડેટાની માંગ કાયદાકીય પ્રક્રિયા હેઠળ કરી તો 2,435 વખત ઈમરજન્સી જરૂરીયાત હેઠળ માંગણી કરી. 2020ના બીજા છ મહિનામાં આખી દુનિયામાં 1,91,013 વખત યુઝર ડેટા માંગવામાં આવ્યા. જે પહેલા 6 મહિના કરતા લગભગ 10% વધારે છે.
ગયા વર્ષે માંગી 62,754 એકાઉન્ટની ડિટેલ
ફેસબુકે જણાવ્યું કે ભારત સરકારે વર્ષ 2020માં 62,754 ફેસબુક યુઝર્સ વિષે જાણકારી પણ માંગી હતી. તેણે લગભગ 52% એકાઉન્ટ્સનો કોઈને કોઈ ડેટા સરકારને આપ્યો. ફેસબુકના જણાવ્યા અનુસાર, તે દેશના કાયદા અને કંપનીની સેવા શરતોના અનુસાર સરકારને આ ડેટા ઉપલબ્ધ કરાવે છે. સરકાર દ્વારા કરવામાં આવેલી દરેક માંગનું સાવધાનીપૂર્વક કાયદાકીય દ્રષ્ટિએ મુલ્યાંકન કરવું અને વ્યાજબી કારણ ન હોવા પર માંગને નકારવામાં આવે છે.