Facebook ઘણા એકાઉન્ટ્સને લોક કરી રહ્યું છે. જો તમે પણ Facebook Protect ઑન કર્યુ નથી તો તમારું એકાઉન્ટ પણ લૉક થઇ શકે છે. આ મહિનાની શરૂઆતમાં Facebookએ આ અંગે યુઝર્સને મેલ પણ મોકલ્યો હતો.
Facebook ઘણા એકાઉન્ટ્સને કરી રહ્યું છે લોક
જો તમે પણ Facebook Protect ઑન ના કર્યુ તો કરી લેજો
નહીંતર તમારું એકાઉન્ટ પણ થઇ જશે લૉક
17 માર્ચ સુધી એકાઉન્ટ પ્રોટેક્ટ કરો
The Verge ની એક રિપોર્ટ મુજબ યુઝર્સને Facebook Protect ઑન કરવા માટે કંપની તરફથી મેલ મોકલવામાં આવ્યો હતો. જેમાં 17 માર્ચ સુધી Facebook Protectને ઑન કરવા માટે કહેવામાં આવ્યું હતુ નહીંતર લૉક કરવાની વાત કહેવામાં આવી હતી. રિપોર્ટમાં જણાવવામાં આવ્યું છે કે આ ઈમેઈલ [email protected] એડ્રેસ પરથી મોકલવામાં આવ્યો હતો. આ મેઈલ ઘણા લોકોના સ્પૈમ ફોલ્ડરમાં જતો રહ્યો હતો અને તેના કારણે યુઝર્સને તેના પર ધ્યાન ન રહ્યું. ફેસબુક મેલ દ્વારા હાઈ-રિસ્ક યુઝર્સને 17 માર્ચ સુધી એકાઉન્ટ પ્રોટેક્ટ કરવા માટે કહી રહ્યુ હતુ.
ટ્વિટર યુઝર્સ કરી રહ્યાં છે ફરિયાદ
જે લોકોએ આવુ કર્યુ નથી હવે તેમના એકાઉન્ટને લોક કરી દેવામાં આવ્યાં છે. તેમના એકાઉન્ટ એક્સેસ કરવાથી તેમને મેસેજ મળી રહ્યો છે અને આગળ શું કરવુ છે તે અંગે જણાવવામાં આવી રહ્યું છે. જો કે, ટ્વિટર પર ઘણા લોકો ફરિયાદ કરી રહ્યાં છે કે ડેડલાઈન પહેલા આ ફીચરને એક્ટિવેટ કરી ચૂક્યા છે અને તેમનુ પણ એકાઉન્ટ લોક થયુ છે.
I got locked out from Facebook indefinitely today because I didn’t respond to emails from FB (that looked like a scam) about its new Facebook Protect system, which I was required to enable by today. So far, the text and security key options don’t work, many report. pic.twitter.com/0aXbiqzLv7
હાઈ રિસ્કવાળા એકાઉન્ટ જેને સાઇબર ક્રિમિનલ્સ ટાર્ગેટ કરવાનો પ્રયાસ કરે છે તેને સુરક્ષિત કરી શકાય છે. જેના માટે તમારે Facebook Protect ઑન કરવુ પડશે. સૌથી પહેલા તમારે ફેસબુકના ટૉપ-રાઇટ કોર્નરમાં રહેલા ડાઉનવાર્ડ એરો પર ક્લિક કરવુ પડશે. ત્યારબાદ તમારે સેટિંગ અને પ્રાઈવસીમાં જઇને સેટિંગમાં જવુ પડશે. પછી તમે Security and Login પર ક્લિક કરો. અહીં તમને Facebook Protect જઇને Get Started પર ક્લિક કરવુ પડશે. ત્યારબાદ નેક્સટ પર ક્લિક કરીને આગળ વધો. પછી ફેસબુક તમારા એકાઉન્ટમાં રહેલી ખામી માટે સ્કેન કરશે. જેના આધારે તમને સજેશન આપવામાં આવશે અને ફિક્સ કરવા માટે Facebook Protect ઑન કરવા માટે કહેવામાં આવશે. પછી તમને સ્ક્રીન પર આપવામાં આવેલા નિર્દેશોને ફૉલો કરીને Facebook Protect ઑન કરી શકો છો.