ફેસબુકના CEO માર્ક ઝુકરબર્ગ ડેટા લીક મામલે અમેરિકા સેનેટ સામે હાજર રહી માફી માગી હતી. સેનેટ કોંગ્રેસ એન્ડ જૂડિશરી કમિટીઓની સામે હાજર રહેલાં ઝુકરબર્ગે ફેસબુક દ્વારા થયેલી ભૂલોની જવાબદારી સ્વીકારી અને આગામી ચૂંટણીઓ દરમિયાન લોકોને વિશ્વાસ આપતા કહ્યું કે ભારતમાં યોજાનારી આગામી ચૂંટણી દરમિયાન સંપૂર્ણ ધ્યાન સાથે ઈમાનદારી પણ રાખવામાં આવશે. કારણકે 2018નું વર્ષને મહત્વનું ગણવામાં આવી રહ્યું છે.
કારણકે યુએસમાં મિડટર્મ ઈલેક્શન છે તો ભારત પાકિસ્તાન અને બ્રાઝિલમાં પણ ચૂંટણીના પડઘમ વાગી રહ્યાં છે. યુએસ કોંગ્રેસ સમક્ષ કેમ્બ્રીજ એનાલિટિકા મામલે ઝુકરબર્ગે કહ્યું કે અમારાથી મોટી ભૂલ થઈ તે બદલ હું માફી માગુ છું. મેં ફેસબુક શરૂ કર્યું જેને હું જ ચલાવું છું અને જે પણ થયું તેના માટે હું જ જવાબદાર છું.
હું વિશ્વાસ અપાવું છું કે ભારતમાં યોજાનારી આગામી ચૂંટણી પર તેની અસર નહીં થવા દઈએ. 2016માં અમેરિકામાં થયેલી ચૂંટણી બાદ અમારી પ્રાથમિકતા વિશ્વભરમાં થઈ રહેલી ચૂંટણીઓમાં ઈમાનદારી રાખવાનું છે. યુઝર્સની પ્રાઈવેટ માહિતીને અન્ય લોકોથી બચાવવા માટે કંપનીએ પગલા પણ લીધા છે.