આ ગેમનું નામ 'કૉનફેટી' રાખવામાં આવ્યું છે. 12 જૂનથી શરૂ થનાર આ ઇન્ટરેક્ટિવ શો વીડિયો પ્લેટફોર્મ 'ફેસબુક વૉચ' પર પ્રસારિત કરવામાં આવશે.
સોશિયલ નેટવર્કિંગ સાઇટ ફેસબુક પર હવે તમે દરરોજ ત્રણ લાખ રૂપિયા જીતી શકો છો. મંગળવારે ફેસબુકે જાહેરાત કરી છે કે એ 12 જૂને એક ઇન્ટરેક્ટિવ ગેમ શો લૉન્ચ કરવાનું છે જેમાં યૂઝર્સ દરરોજ ત્રણ લાખ રૂપિયાનું ઇનામ જીતી શકશે. આ ગેમનું નામ 'કૉનફેટી' રાખવામાં આવ્યું છે. કંપનીએ એક નિવેદનમાં કહ્યું કે 12 જૂનથી શરૂ થનાર આ ઇન્ટરેક્ટિવ શો બુધવારથી રવિવાર સુધી ફેસબુકના વીડિયો પ્લેટફોર્મ-ફેસબુક વૉટ પર પ્રસારિત કરવામાં આવશે. એમાં પાર્ટિસિપેટ કરનાર પૉપ કલ્ચર ટ્રિવિયાથી જોડાયેલા સવાલોના જવાબ આપવાના હોય છે અને એમને દરરોજની 3 લાખ રૂપિયા રોકડા જીતવાની તક મળે છે.
આ ઇન્ટરેક્ટિવ ગેમને સૌથી પહેલા અમેરિકામાં લોન્ચ કરવામાં આવી હતી. ફેસબુક નિદેશક અને પ્રમુખનું કહેવું છે, 'આ ભારતમાં અમારો પહેલો ઑફિશિયલ શો છે અને અમે એવું જોવા માટે ઉત્સાહિત છીએ કે આ યૂઝર્સને સારી રીતે જોડવા અને ગ્રુપ્સને ફેસબુક પર અલગ અને ઇન્ટરેક્ટિવ વીડિયો અનુભવોની સાથે લાવવામાં સક્ષમ કરશે.' આ જાહેરાત મુંબઇમાં આયોજિત ફેસબુકના સોશિયલ એન્ટરટેનમેન્ટ સમિટની અંદર કરવામાં આવી.
આ શો એક્સક્લૂસિવ રૂપથી ફેસબુક વોચ પર પ્રસારિત થાય છે તથા આ કેનેડા, યૂકે, મેક્સિકો, થાઇલેન્ડ, વિયતનામ અને ફિલીપીન્સ સહિત દુનિયાના અન્ય ભાગમાં પહેલાથી ઉપલબ્ધ છે. એનાથી પહેલા ફેસબુકે યૂટ્યૂબને ટક્કર આપવા માટે પોતાની વીડિયો-ઑન-ડિમાન્ડ સર્વિસ ફેસબુક વૉચ શરૂ કરી હતી. એમાં યૂઝર્સ સ્પોર્ટ્સ, એન્ટરટેનમેન્ટ અને અન્ય ઘણા સેગમેન્ટનાવીડિયોઝ જોઇ શકો છો.