સોશિયલ નેટવર્કિંગ જાયન્ટ ફેસબુકે તેની મેસેન્જર એપમાંથી હવે ઇન્સ્ટન્ટ ગેમ્સના ફિચરને હવે દુર કરવા જઇ રહ્યું છે. ફેસબુકની મેઇન એપમાં હવે ઇનસ્ટન્ટ ગેમીંગ ટેબ એડ કરાશે. ફેસબુક એના માટે એવું કારણ આપે છે કે યુઝર્સને મેસેન્જરનો વધુ ફાસ્ટ, લાઇટ અને સિમ્પલ એકસપિરિયન્સ મળે તે માટે આ ફેરફાર કરાયો છે.
ઇન્સ્ટન્ટ ગેમ્સ પ્લે સેશનને તેથી મેઇન એપના ગેમીંગ ટેબમાં શિફ્ટ કરવાનું શરું કર્યું છે. ફેસબુકના ગેમ્સ પાર્ટનરશિપ્સના ગ્લોબલ ડાયરેકટર લીઓ ઓલેબે બ્લોગ પોસ્ટમાં આ જાણકારી આપી હતી. 2016માં ફેસબુકે પેક મેન અને વર્ડઝ વીથ ફ્રેન્ડસ ફ્રેન્ઝી જેવી ગેમ્સ સાથે મેસેન્જરમાં ઇન્સ્ટન્ટ ગેમ્સ શરુ કરી હતી.
તેનો આશય યુઝર વધુને વધુ સમય મેસેન્જર એપમાં એન્ગેજ રહે તે હતો. જોકે મેસેન્જરથી થ્રેડ અપડેટસ અને ચેટબોટસથી ગેમ્સ એકસેસ કરી શકાશે પણ તે તમને મેઇન એપમાં લઇ જશે.
ફેસબુક હવે ગેમ્સની ક્વોલિટી વધુ સારી બનાવવા નવું આર્કિટેકચર અને પોલિસી બનાવી રહ્યું છે. ફેસબુક હવે નવી એપ્લિકેશન સિસ્ટમ પણ બનાવી રહ્યું છે. ગેમ ડેવલપરે તેની ગેમ લોન્ચ કરતા પહેલા આ સિસ્ટમ હેઠળ તેની ગેમ સબમિટ કરવી પડશે. ત્યારબાદ ગેમીંગ ટીમ તેને પરમિશન આપશે. યુઝર્સ ફેસબુકના પ્લેટફોર્મ પરની વિવિધ ગેમ્સને હવે રિવ્યુ કરી શકે પણ આગામી થોડા દિવસોમાં શક્ય બનશે.
દુનિયાભરમાં અત્યારે કરોડો લોકો મોબાઇલ ગેમીંગના દિવાના છે. વિવિધ પ્લેટફોર્મ પર તેઓ ઓનલાઇન ગેમ્સ રમતા હોય છે. ફેસબુક પર પણ યુઝર્સને એડિકટ બનાવે તેવી અને ટાઇમપાસ કરી શકાય તેવી ઢગલાબંધ ગેમ્સ છે. ઓનલાઇન ગેમ્સના વધતા ક્રેઝને જોતા ફેસબુકે પણ હવે તેની ગેમિંગ સર્વિસ પર ધ્યાન કેન્દ્રિત કર્યું છે.