ફેસબુક લાવી રહ્યુ છે સિંગિંગ ટેલેન્ટ શો આ એપની વધી શકે છે મુશ્કેલી

જો તમને પણ ગાવાનો શોખ છે અને તમે કોઈ એવા પ્લેટફોર્મની શોધમાં છો જ્યાં તમારા આ ટેલેન્ટને જગ્યા મળે તો તમારા માટે એક ખુશખબર છે. દુનિયાની સૌથી મોટી સોશિયલ મીડિયા કંપની ફેસબુક તમારા માટે સિંગિંગ ટેલેન્ટ શો ફીચર લાવી રહી છે જ્યાં તમે મ્યૂઝિકની સાથે ગીત પણ ગાઈ શકશો અને દુનિયાના તમામ લોકો સુધી પહોંચાડી શકશો.

ફેસબુકના આ ફીચરનો ખુલાસો એક શોધકર્ચાએ કર્યો છે. શોધકર્તાના જણાવ્યા અનુસાર ફેસબુકના નવા ફીચર સિંગિંગ ટેલેન્ટ શો નો સોર્સ કોડ ફેસબુકના એપથી મળ્યો છે. ફેસબુકના આ નવા ફીચરના આવ્યા બાદ તમે પોપ્યુલર અને લોકપ્રિય ગીતો પોતાના અવાજમાં મ્યૂઝિક સાથે રેકોર્ડ અને શેર કરી શકશો.

ફેસબુકનો આવનારો સિંગિંગ ટેલેન્ટ શો લિપ શિંકિંગ એપ musical.lyને ટક્કર આપશે. જણાવી દઈએ કે થોડા સમય પહેલા ફેસબુકે સોની જેવી ઘણી કંપનીઓ પાસે મ્યૂઝિક માટે કરાર કર્યો છે જેનો ફાયદો કંપની આ નવા ફીચર મારફતે ઉઠાવવાનો પ્રયત્ન કરશે.

આમ તો musical.ly એપ નામ તો તમે સાંભળ્યુ જ હશે. ફેસબુકથી લઈ વ્હોટ્સએપ સુધી તેના વીડિયો ધૂમ મચાવી રહ્યા છે. આ એપને 200 મિલિયનથી વધારે વખત ડાઉનલોડ કરવામાં આવી છે અને તેની પાસે 60 મિલિયન એક્ટિવ યૂઝર્સ છે.