ડિજિટલ યુગમાં ડિજિટલ ઇકોનોમી પણ અબજો ડોલર સુધી પહોંચી છે અને તેમાં દિવસે દિવસે વધારો થઇ રહ્યો છે. મજાની વાત એ છે કે ડિજિટલ એડની રેવન્યુનો મોટો ભાગ માત્ર ત્રણ કંપની ફેસબુક, ગુગલ અને એમેઝોનના ભાગે જાય છે.
આ ત્રણેય દુનિયાની સૌથી વેલ્યુએબલ કંપનીઓમાં ટોચના સ્થાને છે. આ કંપનીઓનું અમેરિકાની ઓનલાઇન ઇકોનોમી પર વર્ચસ્વ છે. ભારત જેવા દેશોમાં પણ તેનો વ્યાપ વધતો જાય છે. અમેરિકામાં ડિજિટલ એડ પાછળ ખર્ચાતા દર ત્રણમાંથી બે ડોલર આ કંપનીઓના ખિસ્સામાં જાય છે.
સોશિયલ મિડિયા એડવર્ટાઇઝીંગની આવકનો મોટો હિસ્સો ફેસબુક ઘરભેગો કરે છે. એમેઝોન ડિજિટલ એડનું ગ્રોઇંગ પાવર બની રહ્યું છે. તેમ છતાં તેની આવકનો મુખ્ય સોર્સ રિટેઇલ બિઝનેસ છે.
અમેરિકામાં રિટેઇલ બિઝનેસની કુલ કમાણીમાં 37 ટકા હિસ્સો છે. એક સર્વે મુજબ અમેરિકામાં 27 ટકા લોકો કે જે સ્ટ્રિમીંગ વિડીયો જોવે છે તે પૈકી 27 ટકા એમેઝોનથી અને 17 ટકા ગુગલની સર્વિસ અથવા તો ડિવાઇસથી જુવે છે. 2019ના પ્રથમ કવાર્ટરમાં ગુગલની આવક 36.4 અબજ ડોલર હતી. જે આગળના વર્ષના આ જ સમયગાળામાં 31.1 અબજ ડોલર હતી.
એમેઝોન તેના દુનિયાભરમાં ફેલાયેલા રિટેઇલ બિઝનેસના કારણે ગુગલથી ખાસ્સું આગળ છે. 2019ના પ્રથમ કવાર્ટરમાં એમેઝોનની કમાણી 59.7 અબજ ડોલરની હતી. ફેસબુકની કમાણી 2019ના પ્રથમ કવાર્ટરમાં 15 બિલિયન હતી. જયારે આ સમયગાળામાં તેની 2018માં 11.96 અબજ ડોલર હતી.