યુ.એસ. ફેડરલ ટ્રેડ કમિશન (FTC), ટેક્નોલોજી કંપની, ફેસબુક પાસેથી 5 બિલિયન ડોલર એટલે કે (રૂ. 35 હજાર કરોડ) દંડની વસૂલાત કરશે. આ પેનલ્ટી અત્યાર સુધીમાં ટેક કંપની પર લાદવામાં આવેલો સૌથી મોટો દંડ છે. અગાઉ, 2012 માં ગૂગલ પર 22 મિલિયન ડૉલર (રૂ. 154 કરોડ રૂપિયા) નો દંડ લાદ્યો હતો. જોકે ફેસબુક આ દંડ માટે પહેલેથી જ તૈયાર છે અને તેના પર કંપની પર વધુ અસર નહીં પડે.
શુક્રવારે જાહેર થયેલ મીડિયા રિપોર્ટમાં જણાવ્યું હતું કે એફટીસીએ કેટલીક ડેટા લીક કરવા અને વપરાશકર્તા ડેટાનો દુરુપયોગ કરવા બદલ ફેસબુકને આ દંડ ફટકારવામાં આવ્યો છે. જો કે, ફેસબુક અને એફટીસી બંનેએ આ બાબતે ટિપ્પણી કરવાનો ઇનકાર કર્યો છે. અહેવાલો અનુસાર, આ દંડ 3-2 મત સાથે જ મંજૂર કરવામાં આવ્યો છે.
જસ્ટિસ ડિપાર્ટમેન્ટ સમીક્ષા માટે પહોંચ્યો મામલો
નોંધનીય છે આ કેસ જસ્ટિસ વિભાગના સિવિલ ડિવીઝન પાસે સમીક્ષા માટે મોકલવામાં આવ્યો છે. એ બાબત સ્પષ્ટ નથી કે આ પ્રક્રિયામાં કેટલો સમયગાળો લાગશે. જોકે તેને મંજૂરી મળવાની પુરી શક્યતા છે.
આમ જુઓ તો ઘણી કંપનીઓ માટે, 5 બિલિયન ડોલરની આ રકમ તેને ઘૂટણીંયે પાડવા માટે પૂરતી છે. પરંતુ ફેસબુક એટલી નબળી કંપની નથી. ગયા વર્ષે તેણે 56 અબજ ડૉલરનું રોકાણ કર્યું હતું અને જેક્સ મુજબ, આ વર્ષે 69 અબજ ડૉલરનું રોકાણ કરવાની શક્યતા છે.
આપને જણાવી દઇએ કે, ગત વર્ષે FTC જાહેરાત કરી હતી કે, કેમ્બ્રિજ એનાલિટિકા દ્વારા કરોટો યૂઝર્સના અંગત ડેટા ચોરવા મામલે ફેસબુક વિરૂદ્ધ તપાસ શરૂ કરી છે. 2016 દરમિયાન ડોનાલ્ટ ટ્રમ્પના ચૂંટણી અભિયાન માટે રાજનીતિક સલાહકાર કંપની કેમ્બ્રિજ એનાલિટિકાએ જ કામ કર્યું હતું અને કેંબ્રિજ એનાલિટિકા દ્વારા ફેસબુકના આશરે 8.7 કરોડ યૂઝર્સના ડેટા ચોરીનો મામલો પ્રકાશમાં આવ્યો હતો.