IPLIN
 
  • Home
  • India
  • facebook case notice of breach of privilege against rahul and shashi tharoor

રાજનીતિ / ફેસબુક પર આરોપ મામલે રાહુલ ગાંધી અને શશી થરુરને ભાજપ સાંસદે મોકલી નોટિસ, કહ્યું હવે હદ થઈ ગઈ

Team VTV 11:42 PM, 19 Aug 20
Follow us
facebook case notice of breach of privilege against rahul and shashi tharoor

ફેસબુક પર, કોંગ્રેસના નેતા રાહુલ ગાંધી અને શશી થરૂરને ભારતીય જનતા પાર્ટીના સમર્થનમાં કામ કરવા અને નફરતનાં ભાષણને અવગણવાના આરોપના સંદર્ભમાં વિશેષાધિકારના ભંગની નોટિસ આપવામાં આવી છે. ભાજપના સાંસદ નિશીકાંત દુબેએ આ નોટિસ મોકલી છે. ભાજપના સાંસદે કહ્યું કે હવે મર્યાદા હદ પાર થઈ ગઈ છે. કોંગ્રેસના નેતાઓ નફરત ફેલાવી રહ્યા છે. રાહુલ ગાંધી ફૅક ન્યૂઝ ફેલાવી રહ્યાં છે.

  • કોંગ્રેસના નેતા રાહુલ ગાંધી અને શશી થરૂરને નોટિસ 
  • વિશેષાધિકારના ભંગની નોટિસ મોકલવામાં આવી 

મહત્વનું છે કે વોલ સ્ટ્રીટ જનરલ ઑફ અમેરિકાએ થોડા દિવસો પહેલા એક અહેવાલ પ્રકાશિત કર્યો હતો કે ફેસબુકે ભારતમાં હૅટ સ્પીચને અવગણી હતી અને સત્તાના સમર્થનમાં કામ કર્યું હતું. આ વિગતવાર અહેવાલ પછી, ભારતીય રાજકારણ ગરમાયું હતું. 

ધાર્મિક ઉન્માદ ફેલાવવાનો આરોપ

ફેસબુક ઇન્ડિયાના વડા આંખી દાસે પત્રકાર આવેશ તિવારી સામે કેસ દાખલ કર્યો હતો. આ પછી, આવેશ તિવારીએ ફેસબુક પર કેસ દાખલ કર્યો હતો અને દેશમાં ધાર્મિક ઉન્માદ ફેલાવવાનો આરોપ લગાવ્યો હતો.

કોંગ્રેસ અને ભાજપ સામ-સામે આવ્યાં

આ દરમિયાન કોંગ્રેસના નેતા રાહુલ ગાંધી સહિત ઘણા લોકોએ પણ ફેસબુક પર નિશાન સાધ્યું હતું. આને લઈને કોંગ્રેસ અને ભાજપ સામ-સામે આવી ગયા છે. ઉલ્લેખનીય છે કે  જ્યારે કોંગ્રેસ આ મામલે આક્રમક બની ત્યારે કેન્દ્ર સરકારે પણ પ્રતિક્રિયા આપી હતા. ઘણા લોકોએ ફેસબુક ભારતની આખી ટીમને બદલવાની માંગ પણ કરી હતી.

રાહુલ ગાંધી શશી થરુર facebook case rahulgandhi Shashi Tharoor
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ