ચીનમાં હાહાકાર મચાવનાર કોરોના વાયરસની ઝપટમાં એક પછી એક દેશો આવી રહ્યા છે. કોરોનાવાયરસના ડરના કારણે સ્પેનના બાર્સિલોનામાં આયોજિત વિશ્વનો સૌથી મોટો ટેકનોલોજી શો મોબાઇલ વર્લ્ડ કોંગ્રેસ 2020 રદ કરાયો હતો. હવે સોશિયલ મિડીયા જાયન્ટ ફેસબુકે પણ તેની વાર્ષિક “એફ8” કોન્ફરન્સ પણ રદ કરી દીધી છે.
કોરોના વાયરસના કારણે ટેકનોલોજી ક્ષેત્રને મોટું નુકસાન
ફેસબુકે પણ તેની વાર્ષિક “એફ8” કોન્ફરન્સ રદ કરી
ગયા વર્ષે કોન્ફરન્સમાં લગભગ 5 હજાર લોકોએ ભાગ લીધો હતો
ચીનમાં હાહાકાર મચાવનાર કોરોના વાયરસની ઝપટમાં એક પછી એક દેશો આવી રહ્યા છે.કોરોનાએ ચીન જ નહીં દુનિયાભરની અર્થ વ્યવસ્થાને હચમચાવવાનું શરુ કર્યું છે કોરોના વાયરસના કારણે અત્યારે મોટું નુકસાન ટેકનોલોજી ક્ષેત્રને થઇ રહ્યું કોરોનાવાયરસના ડરના કારણે સ્પેનના બાર્સિલોનામાં આયોજિત વિશ્વનો સૌથી મોટો ટેકનોલોજી શો મોબાઇલ વર્લ્ડ કોંગ્રેસ 2020 રદ કરાયો હતો. આ શોમાં ભાગ લેનારી એક પછી એક ટોચની કંપનીઓએ પોતાનું નામ પાછું ખેંચી લેતા છેવટે આયોજકોએ તેને રદ કરવાનો નિર્ણય કવો પડયો હતો.ત્યારે હવે સોશિયલ મિડીયા જાયન્ટ ફેસબુકે પણ તેની વાર્ષિક “એફ8” કોન્ફરન્સ પણ રદ કરી દીધી છે.
આ માહિતી આપતાં ફેસબુકે જણાવ્યું હતું કે કોરોના વાયરસના કારણે કોન્ફરન્સ રદ કરવામાં આવે છે. અમેરિકાના કેલિફોર્નિયામાં ગયા વર્ષે 5-6 મેના રોજ યોજાયેલી ફેસબુક કોન્ફરન્સમાં દુનિયાભરના ટેકનોલોજી સાથે સંકળાયેલા લગભગ 5 હજાર લોકોએ ભાગ લીધો હતો.ફેસબુકે કહ્યું છે કે આ કાર્યક્રમ હવે ઓનલાઇન યોજાશે. કોરોના વાયરસને કારણે ચીનની બિઝનેસ ટ્રિપ પર પણ ફેસબુક દ્વારા પ્રતિબંધ મૂકવામાં આવ્યો છે.
દરમિયાન અનેક કંપનીઓએ પણ કોરોના વાયરસને ધ્યાનમાં રાખીને તેમની કોન્ફરન્સ અને ઇવેન્ટ્સ રદ કરી છે. સ્કિન કેર પ્રોડકટસ બનાવતી કેલિફોર્નિયા સ્થિત કંપની સેન્ટા મોનિકાએ પણ તેની ત્રણ દિવસીય ડેવલપર ઇવેન્ટને રદ કરી દીધી છે.માઇક્રોસોફટ પણ 16-18 માર્ચથી ગેમ ડેવલપર્સ કોન્ફરન્સ યોજવાની પણ તૈયારી કરી રહ્યું છે.જોકે તે યોજાવા અંગે પણ શંકા છે. અગાઉ, ફેસબુકે તેની ગેમ કોન્ફરન્સ પણ રદ કરી હતી.