ફેસબુકે પોતાના પ્લેટફોર્મને ઉપયોગ કરવા માટે નિયમોને કડક બનાવ્યા છે. ફેસબુક હવે 18 વર્ષથી ઓછી ઉંમરના યૂઝર્સોને હથિયારોના વિજ્ઞાપન નહીં બતાવે. ફેસબુકની નવી વિજ્ઞાપન નીતિની શરૂઆત 21 જૂન 2018થી થશે.
તેમાં તે તમામ પ્રકારના વિજ્ઞાપન શામેલ હશે જેમાં હથિયાર એસેસરીઝ હશે એટલે હથિયારની જાળવણી બંધૂક ચલાવવાની રીત બંધૂક બનાવવાની રીત ગોળા-બારુદ વગેરેના વિજ્ઞાપન પર હવે બેન લાગી ગયો છે.
ફેસબુકે આ પગલુ અમેરિકામાં છેલ્લા કેટલાક દિવસોમાં થયેલી ફાયરિંગની ઘટનાઓ બાદ ઉઠાવ્યું છે. જણાવી દઈએ કે આ પહેલા યૂટ્યૂબે પણ પોતાના એક નિવેદનમાં કહ્યુ હતુ કે તે ટુંક સમયમાં હથિયારો અને એસેસરીઝ વેચનારી વેબસાઈટોની લિંક આપનારા વીડિયો અને કન્ટેન્ટ પર બેન લગાવશે.
ઉલ્લેખનીય છે કે ફેસબુકે થોડા સમય પહેલા કબૂલ્યુ હતુ કે તે પોતાના યૂઝર્સની માઉસ મબવમેન્ટ પર પણ નજર રાખે છે અને કી-બોર્ડ પર ટાઈપ થનારા એક-એક કી પર તેની નજર હોય છે.
ફેસબુકે 2 હજાર સવાલોના જવાબ આપ્યા છે જેમાંથી આ વાત સામે આવી છે. હકીકતમાં ફેસબુક તમારા માઉસ અને કી-બોર્ડ પર નજર રાખીને એ શોધે છે કે તમે કઈ કઈ વેબસાઈટ પર કેટલો સમય વિતાવી રહ્યા છો.