હેરફેર / Google બરાબરનું ભરાયું, ફેસબુક સાથે મળીને આ કામ કરવાનો લાગ્યો આરોપ, જાણો મામલો

• લોકોના ઉકેલ શોધનારી ગૂગલ પોતે પરેશાનીના ચક્રવ્યૂહમાં ફસાઈ ગઇ
• Google પર જાહેરાતકર્તાઓ અને પ્રકાશકોને ગેરમાર્ગે દોરવાનો આરોપ
• ગૂગલે ઓનલાઈન જાહેરાત વેચાણમાં ફેસબુકની સાથે પણ સાઠગાંઠ કરી

પ્રક્રિયામાં હાજર રહ્યાં કેટલાંક રહસ્યમય પ્રોગ્રામ

એટર્ની જનરલ દ્વારા દાખલ કરાયેલા કાનૂની એફિડેવિટનો ઉલ્લેખ કરી રિપોર્ટમાં જણાવવામાં આવ્યું છે કે Google એ પોતાના ફાયદા માટે પ્રકાશકો અને જાહેરાતકર્તાઓને ગેરમાર્ગે દોર્યા છે. કાયદાકીય સોગંદનામા મુજબ, Googleએ વર્ષો સુધી જાહેરાત આપનારા અને પ્રકાશકોને અંધારામાં રાખ્યા. કંપનીની પ્રક્રિયામાં કેટલાંક રહસ્યમય પ્રોગ્રામ છે. જેના કારણે કેટલીક કંપનીઓની સેલ ઓછી જોવા મળે છે. જેના કારણે પ્રકાશકોને જાહેરાતના બદલે વધુ કિંમત ચૂકવવી પડે છે. પ્રક્રિયામાં આ કમીનો ફાયદો સીધા Googleને મળતો હતો. પ્રકાશકોને જોવા મળતી કિંમત અને જાહેરાત આપનારા લોકોને જે કિંમત ચૂકવવી પડે છે, બંનેમાં અંતર રહે છે. કિંમતોના આ અંતરનો ફાયદો સીધા Googleને મળે છે. 

Facebook ની સાથે કરી મિલીભગત

આ સિવાય રિપોર્ટમાં દાવો કરવામાં આવ્યો છે કે આ પ્રક્રિયામાં બનેલા રૂપિયાનો ઉપયોગ Google ભવિષ્યમાં કિંમત વધારવા અને માર્કેટ પર પોતાનુ એકતરફી રાજ સ્થાપવા માટે પણ કરે છે. તો બીજી તરફ એવો આરોપ પણ લગાવવામાં આવ્યો છે કે ગૂગલે ઓનલાઈન જાહેરાત વેચાણમાં હેરફેર કરવા માટે પ્રતિસ્પર્ધી ફેસબુકની સાથે પણ સાઠગાંઠ કરી છે. આરોપો મુજબ, બંને કંપનીઓના મુખ્ય અધિકારીઓને કરારની જાણકારી હતી અને તેમણે આ કરાર પર હસ્તાક્ષર કર્યા હતા. 

Pichai અને Zuckerbergની ભાગીદારી

ડિસેમ્બર 2021માં દાખલ કરવામાં આવેલા મૂળ, સુધારેલ કેસમાં ગૂગલ પર પ્રતિસ્પર્ધા-વિરોધી આચરણ કરવા અને સોશિયલ નેટવર્કિંગ ક્ષેત્રની દિગ્ગજ કંપની ફેસબુકની સાથે મળીને કામ કરવાનો આરોપ લગાવ્યો છે.  પરંતુ તેનુ સુધારેલુ સંસ્કરણ અલ્ફાબેટના સીઈઓ સુંદર પિચાઈ અને ફેસબુકના સીઈઓ માર્ક ઝુકરબર્ગની ભાગીદારી અંગે વિવરણ પ્રદાન કરવાનુ છે. ઉલ્લેખનીય છે કે, ફેસબુકે હવે પોતાનુ નામ બદલી મેટા કરી દીધુ છે.