સોશ્યલ મીડિયા પર હાલના દિવસોમાં FaceApp ખૂબ જ વાયરલ થઇ રહી છે. ઘણા યૂઝર્સ આ એપનો ઉપયોગ કરીને પોતાની વૃદ્ઘાવસ્થાનો ફોટો સોશ્યલ મીડિયા પર પોસ્ટ કરી રહ્યા છે.
આ એપ આર્ટિફિશિયલ ઇન્ટિલિજનની મદદથી કોઇ વ્યકિતને જવાન કે વૃદ્ઘ બતાવી શકે છે. આ એપની મદદથી જેન્ડર પર ચેન્જ કરી શકાય છે. પરંતુ શું તમે ક્યારેય વિચાર્યુ છે કે, આ રશિયન એપ તમારી ફોટો સાથે શું કરી શકે છે? એટલે કે જ્યારે તમે તમારી ફોટો FaceAppના સર્વર પર સબમિટ કરી દો છો તો તમારા ફોટોઝ સાથે શું થાય છે?
શું છે આ એપની પૉલિસી?
જો તમે આ એપની ટર્મ્સ અને કન્ડિશનની વાત કરવામાં આવે તો એપ કહે છે કે, ''જો તમે FaceAppને તમારા કન્ટેન્ટને અપરિવર્તિનીય, નોનએક્સક્લૂસિવ, રોયલ્ટી ફ્રી, વર્લ્ડવાઇડ, ફૂલીપેડ, ટ્રાન્સફરેબલ સબ લાઇસન્સ આપે છે જેનો ઉપયોગ યૂઝર કન્ટેન્ટને રિપ્રોડ્યૂસ, મોડિફાઇ, અડેપ્ટ, પબ્લિસ, ટ્રાન્લેટ કરવા માટે કરી શકે છે.''
આ રીતે ઉપયોગ થઇ શકશે તમારો ડેટા:
જેનો મતલબ થાય છે કે ભવિષ્યમાં તમારા ફોટોઝનો ઉપયોગ સાર્વજનિક રૂપથી કરવામાં આવી શકે છે. એપની પૉલિસીથી સ્પષ્ટ થાય છે કે, તમારા ડેટાનો ઉપયોગ તમારી લાઇકનેસના આધાર પર ટેલિમાર્કેટિંગ, એડ્સ અને માર્કેટિંગના બીજા ફોર્મેટ માટે કરી શકાશે. આ એપમા ન્યૂરલ નેટવર્ક્સની મદદથી આ સેલ્ફીને અલગ-અલગ રીતે ફિલ્ટર અને એડિટ કરી શકાય છે. આ એપનું ઓલ્ડર ફિલ્ટર વાઈરલ થયું છે, ઉપરાંત તેમાં સ્માઈલ એડ કરવા અથવા યુવાન દેખાવાનું ફિલ્ટર પણ છે.
રશિયન કંપનીએ ફેસએપ બનાવી હતી:
ઘણા ઓછા લોકો જાણે છે કે આ એપને રશિયન ડિવેલપર બનાવી છે. 14 ફેબ્રુઆરી, 2017ના રોજ લોન્ચ થયેલી એપની ડાઉનલોડ સંખ્યા 10 કરોડનો આંકડો વટાવી ચૂકી છે. આ એપનો જન્મ રશિયન કંપની 'વાયરલેસ લેબ'એ કર્યો હતો. ફેસએપ મોબાઈલ એપ્લિકેશન એન્ડ્રોઇડ અને આઈઓએસ એમ બંને ડિવાઇસમાં કામ કરે છે. આ એપ માત્ર ઘડપણના ફોટો જ નહીં પણ યુઝર્સને બીજા વિકલ્પ પણ આપે છે. જેમાં તમારી ઉંમર કરતાં નાના કે મોટા અને જેન્ડર પણ ચેન્જ થઇ શકે તેવું ફિલ્ટર આપે છે.
સેલેબ્સ પણ કરી રહ્યા છે આ એપ યૂઝ:
ઘણા યૂઝર્સની સાથે સાથે સેલિબ્રેટીઝ પણ સોશ્યલ મીડિયા પર પોતાની ઓલ્ડર ફિલ્ટર કરેલી ફોટોઝ પોસ્ટ કરી રહ્યા છે. સોશ્યલ મીડિયા પર ફિલ્મ સ્ટાર્સથી લઇને ક્રિકેટર્સ, ફૂટબોલર્સ અને ઘણા અન્ય સેલિબ્રેટીઝની ફોટોઝ પણ સોશ્યલ મીડિયા પર વાયરલ થઇ રહી છે.