સોશિયલ મીડિયા પર દર થોડા દિવસે કોઇને કોઇ ટ્રેન્ડ ચાલુ થાય છે અને તેની દુનિયાભરમાં ચર્ચા થાય છે. અત્યારે ફેસએપ (faceapp) નો ટ્રેન્ડ છે આ એપથી અત્યારે પોતાના વૃધ્ધાવસ્થામાં કેવા દેખાશે તેવા ફોટા સોશિયલ મિડીયામાં અપલોડ કરવાનો ક્રેઝ છે. આ એપ દ્વારા યુઝર્સના ફોટા સહિત ડેટાની પ્રાઇવેસી (Data Privacy) સામે ખતરો છે તેવા પણ અહેવાલો પ્રસિધ્ધ થવા લાગ્યા હતા.
સોશિયલ મીડિયા પર દર થોડા દિવસે કોઇને કોઇ ટ્રેન્ડ ચાલુ થાય છે અને તેની દુનિયાભરમાં ચર્ચા થાય છે. અત્યારે ફેસએપ (faceapp) નો ટ્રેન્ડ છે આ એપથી અત્યારે પોતાના વૃધ્ધાવસ્થામાં કેવા દેખાશે તેવા ફોટા સોશિયલ મિડીયામાં અપલોડ કરવાનો ક્રેઝ છે. આ એપ દ્વારા યુઝર્સના ફોટા સહિત ડેટાની પ્રાઇવેસી (Data Privacy) સામે ખતરો છે તેવા પણ અહેવાલો પ્રસિધ્ધ થવા લાગ્યા હતા. જો કે લોકો માત્ર ગમ્મત માટે આ એપનો ઉપયોગ કરે છે. પરંતુ ચીનમાં આ એપથી એક પરિવારની જિંદગી બદલાઇ ગઇ છે.
આ પરિવારના ગુમ થયેલા ત્રણ વર્ષના બાળકને પોલીસે ફેસએપની મદદ લઇને વર્ષો પછી શોધી કાઢ્યો. પોલીસે એપની મદદથી બાળકના ફોટાને યંગ ફિચરનો ઉપયોગ કરીને ફોટો બનાવ્યો. આ પરિવાર માટે આ એપ દેવદુત જેવી સાબિત થઇ છે અને પરિવારને વીસ વર્ષે તેમનો ખોવાયેલો બાળક પાછો મળ્યો છે. પોલીસે ફેસએપની મદદથી બાળકના ફોટાને બનાવ્યા બાદ લેબમાં ફેસિયલ રેકગ્નિશન ટેકનિકથી તેને વધારે એકયુરેટ બનાવ્યો હતો.
સોફટવેરની મદદથી તેના જેવા દેખાતા સો જેટલા યુવાનોની તપાસ કરવામાં આવી ત્યારે ચીનની પોલીસને ભાળ મળી કે 18 વર્ષ પહેલા કિડનેપ થયેલો હુઆ યુ વીફેંગ કોલેજમાં ભણી રહ્યો છે. પોલીસે જ્યારે તેને પુછ્યું ત્યારે તેણે પોતાનું અપહરણ થયું હોવાનો ઇન્કાર કર્યો હતો. પોલીસે તેના અને તેના માતા-પિતાનો ડીએનએ ટેસ્ટ કરાવ્યો ત્યારે આખો મામલો ઉકેલાઇ ગયો હતો. આ કેસની તપાસ કરતા પોલીસ અધિકારીએ કહ્યું કે તેણે કયારેય આશા છેડી ન હતી. વીફેંગ 2001માં એક કન્સ્ટ્રકશન સાઇટ પરથી ગાયબ થઇ ગયો હતો. જ્યાં તેના માતા-પિતા કામ કરતા હતા. વીફેંગના પિતાએ તેના પુત્રનો ઉછેર કરનાર દંપતીનો પણ આભાર માન્યો હતો.