અપડેટ / Adobe Photoshopનું આ નવું ટૂલ આપનાં માટે બનશે ખાસ ઉપયોગી

સોશિયલ મિડિયા સાઇટસ પર દરરોજ કરોડો ફોટા અપલોડ થાય છે. તેમાંના બહુ મોટી સંખ્યામાં ફોટોશોપ્ડ કે એડિટ કરેલા ફોટા હોય છે. ક્યારેક લોકો અન્યોનાં ફોટા પણ એડિટ કરીને એટલે કે ચેડાં કરીને મુકે છે. ફોટા એડિટ કરેલા છે કે ફોટોશોપ્ડ છે તે જાણવાનું ઘણું મુશ્કેલ છે. જો કે હવે ફોટો એડિટીંગ ટુલ માટે જાણીતી અમેરિકાની સોફટવેર કંપની અડોબી હવે એવું ટુલ્સ ડેવલપ કરી રહી છે જેનાથી કોઇ પણ ફોટો ઓરિજનલ છે કે એડિટ કરેલો તે આસાનીથી પકડી શકાશે.

અડોબીએ એક બ્લોગ પોસ્ટમાં જણાવ્યું હતું કે ફોટોશોપ્ડ ફોટા એક સમસ્યા છે. જેનાં કારણે આવા ફોટાને ઓળખી શકે તેવા ફોટોશોપના ફેસ અવેર લિકવિફાય ફિચર ટુલને હવે સામેલ કરાશે. સોફટવેર ડેવલપ કરનાર ટીમે આર્ટફિશિયલ ઇન્ટેનિજન્સ અને મશીન લર્નીંગથી અનેક ઓરિજનલ ફોટા અને તેના જ એડિટ વર્ઝન જોઇને ટુલને અસલી-નકલી વચ્ચે ભેદ પારખતા શીખવે છે.

ખાસ કરીને ચહેરાના હાવભાવ એટલ કે ફિસિયલ એક્સપ્રેશનમાં કરાયેલા ફેરફારને પણ પકડી લે છે. અડોબીની ટીમે તૈયાર કરેલા ટુલે એડિટ કરેલા 99 ટકા ફોટાને પકડી પાડયા હતા. જયારે ફોટોશોપના નિષ્ણાતો 54 ટકા ફોટા જ પકડી શક્યા હતા. આ ટુલ પર હજુ ટ્રાયલ ચાલુ છે. એડોબે તેને ફુલપ્રુફ બનાવવા માગે છે.

આ સોફટવેરની બીજી વિશેષતા એ છે કે તે એડિટ કરેલા ફોટાની તમામ એડિટિંગ પ્રોસેસ દુર કરીને તમને ઓરિજનલ ફોટો પણ બતાવે છે. આ ટુલને ફોટોશોપમાં આવતા થોડીવાર લાગશે. કેમકે ટુલ હજુ સંપુર્ણ રીતે તૈયાર થયું નથી. ડિજિટલ ઇન્ફર્મેશન અને ખાસ કરીને ફોટાની વિશ્વસનિયતા સામે જયારે શંકા ઉપજાવે છે ત્યારે આ ટુલ ઘણું જ ઉપયોગી સાબિત થશે.