વિવાદ / fabindiaની એક ટ્વિટથી લોકો એવા ભડક્યાં કે તાત્કાલિક કરવું પડ્યું આ કામ

• ફૅબ ઇન્ડિયાના કેમ્પેઇન પર ખળભળાટ
• સોશ્યલ મીડિયા પર બૉયકોટની માગ ઉઠી
• લોકોએ કહ્યું, દિવાળી મુસ્લિમ તહેવાર નથી

ફૅબ ઇન્ડિયા તરફથી તહેવારો પર જશ્ન-એ-રિવાઝ કેમ્પેઇનની શરૂઆત કરવામાં આવી છે. ભારતીય જનતા યુવા મોરચાના રાષ્ટ્રીય અધ્યક્ષ તેજસ્વી સૂર્યાએ કહ્યું કે દિવાળી જશ્ન-એ-રિવાઝ નથી.

ફૅબ ઇન્ડિયાએ ટ્વિટ કરતાં કહ્યું કે, જેવી રીતે આપણે પ્રેમ અને પ્રકાશના તહેવારનું સ્વાગત કરીએ છીએ, ફૅબ ઇન્ડિયા દ્વારા જશ્ન-એ-રિયાઝ એક એવો સંગ્રહ છે જે ખુબસુરતીથી ભારતીય સંસ્કૃતિને શ્રદ્ધાંજલિ આપે છે. જો કે વિવાદ બાદ ફૅબ ઇન્ડિયાએ પોતાનું ટ્વિટ ડિલીટ કરી દીધું હતું. 

 

 

 

 

View this post on Instagram

 

 

 

 

 

 

 

 

 

 

 

A post shared by Fabindia (@fabindiaofficial)

ફૅબ ઇન્ડિયાએ કહ્યું, આ દિવાળી પહેલાથી વધારે મિત્રો અને પરિવાર સાથે રહેવા માટે આભારી છીએ. આ સંગ્રહ પોતીકાપણાનું પ્રતિક છે. તમે શિલ્પને અપનાવવાનો આગ્રહ રાખો. 

ફૅબના આ કેમ્પેન પર સૌથી પહેલા પદ્મશ્રી અને મણિપાલ ગ્લોબલ એજ્યુકેશનના ચેરમેન મોહનદાસ પાઇએ વ્યંગ કર્યો. તેમણે કહ્યું કે દિવાળી પર ફૅબ ઇન્ડિયાનું શરમજનક નિવેદન. આ એક હિન્દુ ધાર્મિક તહેવાર છે જેમકે ક્રિસમસ અને ઇદ બીજા માટે છે. આ પ્રકારના નિવેદન એક ધાર્મિક તહેવારને ખતમ કરવાનું ષડયંત્ર પ્રતીત થાય છે. 

સાથે એક યુઝરે લખ્યું કે, કરવાચૌથ, અહોઇ, દિવાળી, ભાઇબીજ આ શું મુસ્લિમ ફેસ્ટિવલ છે તો તમે જશ્ન-એ-રિવાઝ લખી રહ્યાં છો. તો અન્ય કેટલાક યુઝર્સે લખ્યું કે, ફૅબ ઇન્ડિયાનો બહિષ્કાર કરો.