ગ્રીષ્મા હત્યા કેસ / હત્યાને નજરે જોનારા સાક્ષીઓએ કહ્યું, ફેનીલ પાસે ચપ્પુ હતું એટલે બચાવવા ગયા નહીં

• સુરતમાં ગ્રીષ્મા વેકરીયાની હત્યાનો મામલો
• પોલીસ દ્વારા રજૂ કરાયેલી ચાર્જશીટમાં ખુલાસો
• ચાર્જશીટમાં ઘટનાને નજરે જોનારા સાક્ષીઓનું નિવેદન
• ચાકુ હોવાથી બચાવવા ન ગયાનો ખુલાસો

સુરતમાં તાજેતરમાં બનેલી ગ્રીષ્મા વેકરીયા હત્યા કેસના મામલે પોલીસે ચાર્જશીટ રજૂ કરી હતી. જેમાં જણાવવામાં આવ્યું હતું કે, ગ્રીષ્માની હત્યાની ઘટના વખતે શા માટે લોકો બચાવવા ગયાં ન હતાં. ચાર્જશીટમાં જણાવ્યા અનુસાર ઘટનાને નજરે જોનારા સાક્ષીએ કહ્યું હતું કે, ફેનીલના હાથમાં ચપ્પુ હોવાથી તેઓ બચાવવા ગયા નહીં 

પોલીસ દ્વારા રજૂ કરાયેલી ચાર્જશીટમાં થયા મોટો ખુલાસો

પોલીસની ચાર્જશીટમાં જણાવ્યા અનુસાર ફેનીલ હત્યાની ઘટના વખતે ખૂબ ગુસ્સામાં હતો. તેમજ ફેનીલના હાથમાં ચાકુ હોવાથી તેઓ ગ્રીષ્માને બચાવવા ગયા નહીં. સાક્ષીઓ જણાવ્યું કે, અમે ગ્રીષ્માને બચાવવા જઈએ અને તે અમને ચપ્પુ મારી દે તો એવો ડર અમને હતો. જેને લઈને લોકોએ ગ્રીષ્માને બચાવવા ગયા નહતાં.  

શું હતો સમગ્ર બનાવ ? 

13 ફેબ્રુઆરીએ બનેલા આ બનાવ પર નજર કરીએ તો છેલ્લા ઘણા દિવસથી હત્યારો ફેનિલ યુવતી ગ્રીષ્માનો પીછો કરી રહ્યો હતો. થોડા દિવસ અગાઉ યુવતીના મોટા પિતા દ્વારા યુવકને ઠપકો પણ આપવામાં આવ્યો હતો.આજે અચાનક છરી જેવા ધારદાર હથિયાર સાથે લઈ યુવતીના ઘર બહાર તોફાન મચાવ્યું હતું. જે બાદ યુવતીના મોટા પિતાએ ગુસ્સે થઈ યુવકને હાંકી કાઢતા છરીથી હુમલો કરી દીધો હતો.યુવતી વચ્ચે પડતા યુવતીને બંધક બનાવી લોકોને આસપાસ ન આવવા ધમકી આપી રહ્યો હતો. ઘણા લોકો હતા પણ  ડરના માર્યા દૂર ઊભા રહી તમાશો જોતાં રહ્યા હતા. યુવકે અચાનક યુવતીનો ભાઈ છોડવા જતા યુવતીના ગળા પર છરી હુલાવી દીધી હતી અને ક્રૂરતાપૂર્વક હત્યા કરી નાખી હતી.