ભારત લગભગ 371 કેટેગરીના સમાન ચીન જેવા દેશોમાંથી આયાત કરી શકાય છે. આ સામાનોની લિસ્ટમાં રમકડા, સ્ટીલ બાર, સ્ટીલ કંઝ્યૂમર ઈલેક્ટ્રોનિક્સ ટેલિકોમ આઈટમ, હેવી મશીનરી, પેપર, રબર આર્ટિકલ્સ અને ગ્લાસ જેવી વસ્તુઓનો સમાવેશ કરવામાં આવ્યો છે. આવનારા માર્ચથી ભારતમાં આ સામાન પર ઈન્ડિયન સ્ટાન્ડર્ડ માર્ક એટલે કે IS માર્ક ફરજિયાત કરી દેવામાં આવશે.
વાણિજ્ય મંત્રાલયએ ગત વર્ષે આ વસ્તુઓની ઓળખ કરી હતી
આયાત ઘટાડી નિકાસ વધારવા માટે અનેક પ્રક્રિયાને ઝડપી
કેટલીક વસ્તુઓ માટે આવા માપદંડોની જરુર નથી કેમ કે...
નવા નિયમોને લીધે હલકી ક્વોલીટીની વસ્તુઓની આયાત પર અંકુશ લાગશે. વાણિજ્ય મંત્રાલયએ ગત વર્ષે આ વસ્તુઓની ઓળખ કરી હતી. મંત્રાલયના અધિકારીએ એક અખબારને જણાવ્યું હતું કે આત્મનીર્ભર ભારતની પહેલ હેઠળ આયાત ઘટાડી નિકાસ વધારવા માટે અનેક પ્રક્રિયાને ઝડપી બનાવવામાં આવી છે.
એક સવાલના જવાબમાં બીઆઈએસના ડિરેક્ટર પ્રમોદ કુમાર તિવારીએ કહ્યું કે વાણિજ્ય મંત્રાલયે ચીની ઉત્પાદકો સહિત 371 આયાતિત ટેરિફ લાઈનોની ઓળખ કરી છે. અમે આ સામાનોને ભારતમાં લાવવા માટે અનિવાર્ય રુલ્સની તૈયારીઓ કરી રહ્યા છીએ.
ઉપભક્તા મામલાના મંત્રી રામવિલાસ પાસવાને 2 બીઆઈએસ વેબસાઈટને લોન્ચ કર્યા બાદ, તિવારીએ કહ્યું હતું કે સંબંધિત મંત્રાલય વાણિજ્ય મંત્રાલય દ્વારા આપવામાં આવેલી વસ્તુઓની યાદીમાંથી મહત્વની વસ્તુઓની ઓળખ કરી રહ્યા છીએ. તેમજ તેઓ જરુરી માપદંડ બનાવવા માટે બીઆઈએસ સાથે પણ સંપર્ક કરી રહ્યા છે. તેમણે એમ પણ કહ્યું કે કેટલીક વસ્તુઓ માટે આવા માપદંડોની જરુર નથી કેમ કે ઓછી માત્રામાં આયાત કરવામાં આવે છે.