માનવ શેતાન તરીકે જાણીતા માઈકલ ફરો પ્રડોનું કારનામું
ફેસમાસ્કનો નિયમ હટી જતા જાતે કાપી નાખ્યાં કાન
માઈકલે તેના 85 ટકા શરીરને કાળી શાહીથી ઢાંકી નાખ્યું
મહામારીમાં માસ્ક પહેરી પહેરીને લોકો બરાબરના કંટાળ્યાં હતા. લોકો પણ ઈચ્છતા હતા કે હવે માસ્ક જાય તો સારુ. લોકોને માસ્ક પહેરી રાખવું ઝેર જેવું લાગતું હતું પરંતુ બ્રાઝિલમાં ફરજિયાત માસ્કનો નિયમ હટી જતા એક શખ્સને તો એવી ખુશી થઈ કે તેણે તેના કાન કાપી નાખ્યાં. બ્રાઝિલનો વિચિત્ર પ્રકારનો કિસ્સો જાણીને તમને કંપારી વછૂટી જશે.
માઈકલે 60 કરતા પણ વધારે સર્જરી કરાવીને શરીર કપાવી નાખ્યું
તાજેતરમાં જ બ્રાઝિલ સરકારે દેશને માસ્ક ફ્રી કરવાની જાહેરાત કરી હતી. બ્રાઝિલના માઈકલ ફરો પ્રડો નામના માનવ શેતાન તરીકે જાણીતા શખ્સે માસ્ક ફ્રી પ્રતિબંધો હટાવવાની ઉજવણી કરી અને તેના કાપ નાખી નાખ્યાં છે. આખા શરીર પર ટેટુ ચીતરનાવનાર માઈકલે 60 કરતા પણ વધારે સર્જરી કરાવી છે અને 85 ટકા કરતા પણ વધારે શરીરને કાળી શાહીથી ઢાંકી દીધું છે.
ફેસમાસ્કનો નિયમ હટી ગયો, હવે કાનની શુ જરુર
દેશમાં ફેસમાસ્કનો નિયમ હટી જતા, માઈકલની ખુશીનો પાર ન રહ્યો અને તેને લાગ્યું કે હવે કાનની શું જરુર, આવું વિચારીને તેણે જાતે તેના કાન કાપી નાખ્યાં હતા.
માનવ શેતાનનો દેખાવ જાણીને કંપી જશો
બ્રાઝિલમાં માનવ શેતાન તરીકે જાણીતા માઈકલનો દેખાવ ખરેખર શેતાન કે રાક્ષસ જેવો છે. માઈકલ તેના માથાના આગળના ભાગ શીંગડા ઉગાડ્યાં છે. તેણે તેના નાક, કાન અને રિંગ ફિંગરને પણ કઢાવી નાખી છે અને તેને બદલે સિલ્વર ડેન્ચર્સ નખાવ્યું છે. માઈકલે liposuction અને ટમી ટક (પેટ)ની સર્જરી કરાવી છે જેમાં બેલી બટનને દૂર કરવામાં આવે છે. 2021માં પણ માઈકલે તેની બે આંગળીઓ કપાવી નખાવી હતી અને તેના હાથને એક ક્લો જેવો બનાવી દીધો હતો, આ બધુ કરવા પાછળ તેનો હેતુ બ્લેક એલિયન જેવા દેખાવાનો હતો.
બ્રાઝિલમાં ડેવિલ (શેતાન) તરીકે જાણીતો છે માઈકલ
માઈકલ બ્રાઝઇલમાં શેતાન તરીકે જાણીતો છે તે તેની પત્ની સાથે પ્રઈઆ ગ્રેન્ડ શહેરમાં રહે છે કારણ કે તેનું શરીર ખૂબ વિચિત્ર છે. તેને જોઈને લોકો ડરી જાય છે. પાંચ વર્ષ પહેલા માઈકલને શરીરમાં કંઈ નવું કરવાની ચળ ઉપડી હતી અને તેથી તેણે શરીરમાં ઘણા ફેરફારો કરાવ્યાં છે. 2021માં માઈકલે સર્જરી કરાવીને આંગળી કઢાવી હતી અને હવે દેશમાં માસ્કનો નિયમ હટી જતા તેણે તેના કાન પણ કપાવી નાખ્યાં છે.
માનવ શેતાન તરીકે જાણીતો માઈકલ ભગવાનમાં અતૂટ વિશ્વાસ ધરાવે છે
માનવ શેતાનની બીજી પણ એક બાજુ છતી છે. તે શરીરને કાપકૂપ કરવાની આદત ધરાવે છે, તેના આવા વેશને કારણે તે શેતાન તરીકે પ્રચલિત બન્યો છે તેમ છતાં પણ બીજી બાજુ તે ભગવાનમાં અતૂટ શ્રદ્ધા ધરાવે છે. તેણે ખુદ સ્વીકાર કર્યો કે શકિતુ,પ્રેમ અને જ્ઞાનના સોર્સ તરીકે મને ભગવાનમાં અતૂટ શ્રદ્ધા છે.