એક તરફ સરકાર દ્વારા રાજ્યના ખેડૂતો પાસેથી ટેકાના ભાવે મગફળી ખરીદવાની જાહેરાત કરવામાં આવી અને ઓનલાઈન ફોર્મ ભર્યા બાદ ખેડૂતોને મગફલ એપીએમસીમાં લઈ જવા માટે મેસેજ મોકલવામાં આવ્યા.
હજારો ખેડૂતોને એક બાદ એક મેસેજ તો મોકલામાં આવ્યા પરંતુ ખરીદી કેન્દ્ર પર અપુરતી વ્યવ્સ્થાને કારણે ખરીદી ગોકળગાયની ગતિએ ચાલી રહી છે. એવામાં દૂર દૂરથી ભાડાના ટ્રેક્ટરમાં મગફળી લઈને આવેલા ખેડૂતોને બે-ત્રણ દિવસ સુધી રાત દિવસ લાંબી લાઈનમાં ઉભુ રહેવુ પડે છે.
કડકડતી ઠંડી વચ્ચે ધરતીપુત્રોએ ટ્રેક્ટરની ટ્રોલીઓ પર જ રાત વિતાવવી પડે તેવી ક્રુર પરિસ્થિતિનું નિર્માણ થયું છે. એહી 7500 ખેડૂતોએ રજીસ્ટ્રેશન કરાવ્યું હોવા છતા માત્ર 300 ખેડૂતોની મગફળી જ ખરીદવામાં આવી છે.
એક બાજુ દરરોજ 100 ખેડુતોની મગફળી ખરીદવાની સૂચના હોવા છતા યાર્ડમા કોન્ટ્રાકટર પાસે પુરતા માણસો ન હોવાથી તેમજ માણસ હોય ત્યારે પુરતા બારદાન ન હોવાથી ખરીદી રઝડતી રહે છે. જોકે વારંવાર રજૂઆત કરવા છતા પણ તંત્રની ઢીલી નીતિના કારણે જગતનો તાત પિસાઈ રહ્યો છે.