આખી ટીમ માત્ર 10 રનમાં ઓલ-આઉટ વાઈડના 6 અને બેટથી 4 રન

એલિસ સ્પ્રગ્સિં: સાઉથ ઓસ્ટ્રેલિયા મહિલા ક્રિકેટ ટીમ ઘરેલૂ ચેમ્પિયનશીપનાં એક મુકાબલામાં માત્ર 10 રન પર સમેટાઇ ગઇ. આ 10 રનોમાં 6 રન તો માત્ર વાઇડનાં જ હતાં જ્યારે ચાર રન એક ખેલાડીનાં બેટિંગથી થયાં. બાકીનું યોગદાન શૂન્ય રહ્યું. એક રિપોર્ટ અનુસાર આ રેકોર્ડ નેશનલ ઇંડીજિનિયસ ક્રિકેટ ચેમ્પિયનશીપનાં એક મુકાબલામાં બુધવારનાં રોજ જોવાં મળ્યું.

ન્યૂ સાઉથ વેલ્સની ટીમે ચેમ્પિયનશીપનાં મુકાબલામાં પહેલા બેટિંગ કરવા ઉતરેલ સાઉથ ઓસ્ટ્રેલિયાની ટીમને માત્ર 10 રન પર ઓલઆઉટ કરી દીધાં. મેચમાં એક જ ખેલાડી હતી જેની બેટિંગથી 4 રન થયાં અને બાકીનાં 6 રન તો વાઇડમાં જ આવ્યાં. સાઉથ ઓસ્ટ્રેલિયાની સલામી બેટિંગ ફેબી માંસેલે 33 બોલનો સામનો કર્યો અને 4 રન બનાવ્યાં.

UNBELIEVABLE scenes at Albrecht Oval as Roxsanne Van-Veen of @CricketNSW has claimed the figures of 5/1 (2) to help her side bowl out South Australia for 10 (10) #NICC #ASportForAll

Full Scorecard: https://t.co/22LLjGp3a5 pic.twitter.com/xvN9cWtroY

— Cricket Aus Pathway (@CAPathway) February 5 2019

 

ન્યૂ સાઉથ વેલ્સની બોલર રોક્સાને વૉન વીને બે ઓવરની બોલિંગમાં એક મેડન રાખી અને માત્ર એક જ રન આપ્યાં. તેઓએ પોતાનાં આ સ્પેલમાં પાંચ વિકેટ ફટકારી. તે સિવાય નોઆમી વુડ્સ બે બોલ પર બે વિકેટ હાંસલ કરી.

ન્યૂ સાઉથ વેલ્સ ટીમ પણ 11 રનોનાં લક્ષ્ય આગળ લડખડાવા લાગી પરંતુ 2.5 ઓવરમાં બે વિકેટ ખોઇને આ લક્ષ્ય હાંસલ કર્યું. સાઉથ ઓસ્ટ્રેલિયાને પોતાની પહેલી મેચમાં પણ હારનો સામનો કરવો પડ્યો હતો. બીજી બાજુ ન્યૂ સાઉથ વેલ્સનો આ પહેલો મુકાબલો હતો.