PCBની ટીમે વડોદરામાં રેડ પાડીને ગુજરાતથી મુંબઈ સુધી ફેલાયેલા સટ્ટાના નેટવર્કનો પર્દાફાશ કર્યો છે.
ગુજરાત-મુંબઈમાં ફેલાયેલા સટ્ટાના નેટવર્કનો થયો પર્દાફાશ
વડોદરાનો બુકી સલમાન ગોલાવાલા ID મેળવી ચલાવતો હતો નેટવર્ક
PCBની ટીમે દરોડા પાડી 2 શખ્સોની ધરપકડ કરી
IPLની ટુર્નામેન્ટની ક્રિકેટ મેચ શરૂ થતાંની સાથે જ ક્રિકેટની મેચર સટ્ટો શરૂ થઈ જાય છે.ત્યારે વડોદરા PCB (પ્રિવેન્શન ઓફ ક્રાઇમ બ્રાન્ચ)એ ક્રિકેટ પર ઓનલાઇન સટ્ટાના મોટા નેટવર્કનો પર્દાફાશ કર્યો છે. જેમાં 7 કરોડની સુપર માસ્ટર આઇડીથી IPLની મેચો પર મુંબઇમાં રહીને સટ્ટો રમાડનાર સલમાન ગોલાવાલાના ઓપરેટરને અમદાવાદથી ઝડપી લીધો છે. જેમાં વડોદરા અને સુરત અને મુંબઈના ગ્રાહકોના નામ પણ ખુલ્યા છે.
PCBની ટીમે દરોડા પાડી 2 શખ્સોની ધરપકડ કરી
PCBની ટીમે વડોદરના તરસાલી-વડદલા રોડ પર આવેલી એક રેસીડેન્સીમાં દરોડા પાડીને એક સટોડિયાને ઝડપી પાડ્યો છે. આરોપીની પુછપરછમાં વડોદરાના કુખ્યાત બુકી સલમાન ગોલાવાલાના માણસ કલ્પેશ પાસેથી સટ્ટો રમવા માટે આઈડી લીધું હોવાનું બહાર આવતાં પોલીસે તેને સંકજામાં લીધો હતો. આરોપીઓની પુછપરછમાં ગુજરાતના જુદા-જુદા શહેરો ઉપરાંત મુંબઈમાં ફેલાયેલા સટ્ટા બેટીંગના નેટવર્કનો ભંડાફોડ થયો હતો.
પોલીસે 110 લોકો વોન્ટેડ જાહેર કરાયા
વડોદરા પોલીસે હાલ રામચંદ્ર અને કલ્પેશની ધરપકડ કરી લીધી છે. જ્યારે સલમાન ગોલાવાલા (હાલ મુંબઇ, મૂળ રહે. વડોદરા), સંજયભાઇ (રહે. સુરત) તેમજ સફિયાન (રહે. જહાંગીરપુરા, સુરત)ને વોન્ટેડ જાહેર કર્યા છે. સાથે જ વડોદરા અને સુરતના તમામ 110 ગ્રાહકોના નામ પણ ખુલ્યા છે.