ખતરો / સાવધાન! પ્રજાસત્તાક દિવસ અગાઉ દેશને મોટા ખતરાનાં ભણકારા,આ ચાર રાજ્યોમાંથી મળ્યા વિસ્ફોટકો

• દેશને પ્રજાસત્તાક પહેલા હચમચાવી નાખવાના ષડયંત્રો સામે આવ્યાં  
• શુક્રવારે દેશના  દિલ્હી, પંજાબ, જમ્મુ-કાશ્મીરમાંથી વિસ્ફોટકો મળી આવ્યાં 
• સુરક્ષા દળોએ આ તમામ વિસ્ફોટકોને નિષ્ક્રિય કરી દીધા

Photo of the abandoned bag containing IED found at Ghazipur Flower Market in East Delhi

(Photo: Sources in police) pic.twitter.com/5b70BGmuVm

— ANI (@ANI) January 14, 2022

દેશને પ્રજાસત્તાક પહેલા હચમચાવી નાખવાના ષડયંત્રો સામે આવ્યાં  

પ્રજાસત્તાક દિવસ (26 જાન્યુઆરી) પહેલા દેશને હચમચાવી નાખવાના ષડયંત્રો સામે આવી રહ્યા છે. આજે દેશની રાજધાની દિલ્હી, પંજાબ અને જમ્મુ-કાશ્મીરમાં સુરક્ષા એજન્સીઓએ એક મોટા ષડયંત્રને નિષ્ફળ બનાવ્યું છે. પૂર્વ દિલ્હીના ગાઝીપુર ફૂલ મંડીમાં IED મળ્યા બાદ ખળભળાટ મચી ગયો હતો. બોમ્બ ડિસ્પોઝલ સ્કવોડે તેને ડિફ્યુઝ કરી દીધો છે. બીજી બાજુ શ્રીનગરના ખ્વાજા બજારમાં IED પણ મળી આવ્યો હતો.આ સિવાય પંજાબમાં આરડીએક્સનું મોટું કન્સાઈનમેન્ટ ઝડપાયું છે. પોલીસ આ તમામ કેસોની તપાસ કરી રહી છે. અમે તમને આ ત્રણ અલગ-અલગ ઘટનાઓ વિશે વિગતવાર જણાવું.

Punjab: We got info about drugs but when we reached there, found it to be an IED weighing around 5 kgs from a village near to Wagah-Attari border. We've recovered Rs 1 lakh also. It has come from Pakistan... We are investigating the matter: Rashpal Singh, AIG, STF, Amritsar pic.twitter.com/uch5IMTwqF

— ANI (@ANI) January 14, 2022

પંજાબમાંથી 5 કિલો આરડીએક્સનું મોટું કન્સાઈનમેન્ટ મળ્યું  

સ્પેશિયલ ટાસ્ક ફોર્સે પંજાબમાં ઈન્ટરનેશનલ ઈન્ડો-પાક બોર્ડર પાસે આવેલા ધનોઆ કાલા ગામમાંથી આરડીએક્સનું મોટું કન્સાઈનમેન્ટ જપ્ત કર્યું હતું. એવું કહેવામાં આવી રહ્યું છે કે પાકિસ્તાનની ગુપ્તચર એજન્સી ISI અને ખાલિસ્તાની આતંકવાદીઓએ ચૂંટણી દરમિયાન બ્લાસ્ટ કરવા માટે RDX મોકલ્યું છે. આરડીએક્સ 5 કિલોથી વધુ હોવાનું કહેવાય છે.પોલીસ શકમંદોની પૂછપરછ કરી રહી છે. આપને જણાવી દઈએ કે એક દિવસ પહેલા જ પઠાણકોટ આર્મી કેમ્પમાં હેન્ડ ગ્રેનેડ બ્લાસ્ટ કેસમાં ધરપકડ કરાયેલા છ આરોપીઓની પૂછપરછ કરીને નવાશહેર પોલીસે 2.5 કિલોગ્રામ આરડીએક્સ અને AK-47ના 12 કારતૂસ જપ્ત કર્યા હતા.

J&K: A grenade placed inside a pressure cooker was found in Khwaja Bazar of Nowhatta, Srinagar earlier today. The grenade was later diffused by a bomb disposal squad. pic.twitter.com/Vq63Xft7p0

— ANI (@ANI) January 14, 2022

શ્રીનગરમાં પ્રેશર કુકર બોમ્બ મળી આવ્યો

બીજી તરફ શ્રીનગરના ખ્વાજા બજારમાં પ્રેશર કુકર બોમ્બ મળી આવ્યો છે. પ્રેશર કૂકરની અંદર IED લગાવવામાં આવ્યું હતું. કૂકર એક બોરીમાં સંતાડીને રાખવામાં આવ્યું હતું. આતંકવાદીઓના આ ષડયંત્રની જાણ થતાં જ પોલીસ બોમ્બ ડિસ્પોઝલ સ્કવોડ સાથે ઘટનાસ્થળે પહોંચી હતી. તેને નિષ્ક્રિય કરવામાં આવ્યું છે.

#UPDATE | Delhi Police recovers an IED in Ghazipur Flower Market

"Based on the information received, an IED has been recovered," Police Commissioner Rakesh Asthana says

(Visuals from the spot) pic.twitter.com/eFeYU7nO26

— ANI (@ANI) January 14, 2022

દેશની રાજધાનીમાં બેગમાંથી મળી આવ્યો IED

તો આ તરફ દિલ્હીના ગાઝીપુરમાં ફૂલ મંડીમાં એક લાવણ્યા બેગમાંથી IED મળી આવ્યો હતો. જેને લઈ લોકોમાં ભારે ખળભળાટ મચી ગયો હતો. આ બેગમાં બોમ્બ હોવાની માહિતી મળતાં જ જિલ્લા પોલીસ, સ્પેશિયલ સેલના અધિકારીઓ સાથે ફાયર બ્રિગેડ અને બોમ્બ ડિસ્પોઝલ સ્કવોડ પણ ઘટનાસ્થળે પહોંચી ગયા હતા. બોમ્બને ડિફ્યુઝ કરવા માટે JCB વડે ખાડો ખોદવામાં આવ્યો હતો. બોમ્બ ખાડામાં મુકાયો અને પછી જોરદાર વિસ્ફોટ થયો. પોલીસ આ મામલે તપાસ કરી રહી છે.

कांकेर ज़िले के कोसरोंडा शिविर के पास हुए IED विस्फोट में 33 बटालियन का एक एसएसबी जवान घायल हुआ: एसपी शलभ सिन्हा, कांकेर, छत्तीसगढ़

— ANI_HindiNews (@AHindinews) January 14, 2022

છત્તીસગઢના કાંકેર જિલ્લામાં કોસરોંડા કેમ્પ નજીક IED બ્લાસ્ટ

કાંકેરના એસપી શલભ સિન્હાએ આ જાણકારી આપી હતી. વિસ્ફોટ બાદ જવાનો અને નક્સલવાદીઓ વચ્ચે એન્કાઉન્ટર શરૂ થયું હતું. તાડોકી પોલીસ સ્ટેશન વિસ્તારના કોસરુંડા કેમ્પ પાસે નક્સલીઓએ સર્ચીંગ પાર્ટી પર હુમલો કરી IED બ્લાસ્ટ કર્યો હતો. આ વિસ્ફોટમાં ઘાયલ થયેલા જવાનને સારવાર અર્થે હોસ્પિટલમાં ખસેડાયો હતો.