કાબુલ સીરિયલ બ્લાસ્ટ મુદ્દે તાલિબાને કહ્યું કે અમેરિકન સૈનિકોઓએ પોતે આ વિસ્ફોટ કરાવ્યા છે.
તાલિબને આ વિસ્ફોટનું ઠીકરુ અમેરિકાના માથે ફોડી રહ્યું છે
ISIS એ હુમલાની જવાબદારી સ્વીકારી લીધી છે
અમેરિકન સૈનિકોઓ પોતાના સામાનને નષ્ટ કરવા માટે વિસ્ફોટ કરાવ્યા- તાલિબાન
તાલિબને આ વિસ્ફોટનું ઠીકરુ અમેરિકાના માથે ફોડી રહ્યું છે
અફઘાનિસ્તાનના કાબૂલ એરપોર્ટ બ્લાસ્ટમાં 72થી વધારે લોકોના મોત થયા છે. જેમાંથી 13 અમેરિક નૌસૈનિકો સામેલ છે. એક તરફ જ્યાં ISIS એ હુમલાની જવાબદારી સ્વીકારી લીધી છે. ત્યારે બીજી તરફ તાલિબન જે આનું ઠીકરુ અમેરિકાના માથે ફોડી રહ્યું છે. કાબૂલ વિસ્ફોટ કરનારા આતંકવાદીઓએ ખરી ખોટી સંભળાવાની જગ્યાએ તાલિબાન અમેરિકાને જ આ હુમલા માટે જવાબદાર ગણાવી રહ્યું છે . તાલિબાને કહ્યું કે અમેરિકન સૈનિકોઓ પોતાના સામાનને નષ્ટ કરવા માટે વિસ્ફોટ કરાવ્યા છે.
અમેરિકન સૈનિકોઓ પોતાના સામાનને નષ્ટ કરવા માટે વિસ્ફોટ કરાવ્યા- તાલિબાન
ગત કેટલાક દિવસ પહેલા અફઘાનિસ્તાનને પોતાના કન્ટ્રોલમાં કરનારા તાલિબાનના પ્રવક્તા જબીબુલ્લાહે મુઝાબિદે ટ્વીટ કરી કહ્યું કે કાબૂલમાં સાંજે અનેક વિસ્ફોટનો અવાજ આવ્યો. કાબૂલ એરપોર્ટની અંદર અમેરિકન સૈનિકોએ પોતાના સામાનને નષ્ટ કરવા માટે વિસ્ફોટ કર્યા. કાબૂલ વાસી આનાથી જરાય પણ ગભરાય નથી. ત્યારે સમાચાર એજન્સી મુજબ તાલિબાને કાબૂલ હુમલાની નિંદા કરી છે અને કહ્યું છે કે આ એ વિસ્તારમાં થયું છે જે અમેરિકન સૈનિકોના નિયંત્રણમાં છે. તાલિબાનના પ્રવક્તા જબીહુલ્લા મુઝાહિદે કહ્યું કે અમનું સંગઠન ગુરુવારે થયેલા હુમલાની સખત નિંદા કરે છે. અને સુરક્ષા પર પુરૂ ધ્યાન આપી રહ્યું છે.
13 અમેરિકન સૈનિકો સહિત 72થી વધારે લોકોના મોત
ઉલ્લેખનીય છે કે અફઘાનિસ્તાનમાં ગુરુવારે થયેલા કાબૂલ એરપોર્ટ પાસેના બ્લાસ્ટ અને ફાયરિંગ દ્વારા ભીડ પર કરવામાં આવેલા હુમલામાં ઓછામાં ઓછા 72 લોકોના મોત થયા છે. જ્યારે અનેક ઘાયલ થયા છે. હુમલામાં 13 અમેરિકન નૌસૈનિકો માર્યા ગયા છે. જ્યારે 18 ઘાયલ થયા છે. એક અફઘાન અધિકારીએ દાવો કર્યો છે કે હુમલામાં ઓછા ઓછા 60 અફઘાની માર્યા ગયા છે. જ્યારે 143 અન્ય ઘાયલ થયા છે.
બાયડને હુમલાખોરોન ચેતવણી આપી છે
કાબૂલના હુમલાખોરોને ચેતવણી આપતા અમેરિકન રાષ્ટ્રપતિ જો બાયડને કહ્યું કે અમે માફ નહીં કરીએ. અમે નહીં ભૂલીએ. અમે તેમને શોધીશું, મારીશું અને તેમના કર્મની સજા આપીશું. રાષ્ટ્રપતિ બાયડને કહ્યું કે અમે અફઘાનિસ્તાનથી અમેરિકન નાગરિકોને બચાવીશું. અમે અમારા અફઘાની સહયોગીઓને કાઢીશું અને અમારું મિશન ચાલુ રાખીશું.