દૂર્ઘટના / બ્રિટેનમાં ટાટા સ્ટીલના પ્લાન્ટમાં બ્લાસ્ટ, ત્રણ કર્મચારી ઘાયલ

બ્રિટેનના પોર્ટ ટાલબોટમાં આવેલ ટાટા સ્ટીલવર્કસ પ્લાન્ટમાં એક બ્લાસ્ટ થયો છે. સાઉથ વેલ્સ વિભાગના પોલીસ વિભાગ દ્વારા આ જાણકારી પ્રાપ્ત થઇ છે. પોલીસ વિભાગના જણાવ્યા અનુસાર આ દૂર્ઘટનામાં બે વ્યક્તિઓને સામાન્ય ઇજા પહોંચી છે.
 

પોલીસ વિભાગે ટવિટ કરી જણાવ્યું કે અમને પોર્ટ ટાલબોટમાં આવેલ ટાટા સ્ટીલવર્ક્સ પ્લાન્ટમાં થયેલ આ દૂર્ઘટનાની જાણકારી મળી છે. ઇમરજન્સી સેવાઓ તત્કાલ શરૂ કરી દેવામાં આવી છે, જે અંગે અમને તાત્કાલિક જાણકારી આપવામાં આવશે. 
 

જો કે સ્થાનિક લોકોના જણાવ્યા અનુસાર સવારે 3.35 કલાકે કંપનીમાં જોરદાર બ્લાસ્ટ થયો. જો કે હજુ સુધી આ બ્લાસ્ટ અંગેનું કારણ જાણવા મળ્યું નથી. પોલીસના પ્રવક્તાએ કહ્યું, સાઉથ વેલ્સ પોલીસ ઘટનાસ્થળે પહોંચી આગ પર કાબૂ મેળવવા, બચાવ કાર્ય તેમજ એમ્બ્યુલન્સ સેવા લઇ પહોંચી ગઇ છે. પોલીસ પ્રવક્તાએ કહ્યું અમને 3.35 વાગે બ્લાસ્ટની સૂચના મળી. અમે લોકોને અપીલ કરી છે કે હાલ આ જગ્યા પર ન જાય. દૂર્ઘટનાને લઇને આગામી જાણકારી મળતાં અમે જણાવીશું.