સાઉદી અરેબિયાની રાજધાની રિયાધના દક્ષિણપૂર્વ વિસ્તારમાં સ્થિત એક દારૂગોળો રાખતા સેન્ટરમાં બ્લાસ્ટ થયો છે.
સાઉદી અરેબિયાની રાજધાની રિયાધમાં બ્લાસ્ટ
દારૂગોળો રાખતા સેન્ટરમાં બ્લાસ્ટ
જાનહાનિના કોઈ અહેવાલ નહીં
જો કે, આ કેન્દ્રનો ઉપયોગ થતો ન હતો. સાઉદી રાજ્યના ટેલિવિઝને બુધવારે આ ઘટનાની જાણ કરી હતી. સોશિયલ મીડિયા પર વાયરલ થતા વીડિયોમાં ખારજ નજીક ધુમાડા ઉડતા જોવા મળી રહ્યા છે. ટીવી રિપોર્ટમાં કહેવામાં આવ્યું છે કે આ અકસ્માતમાં કોઈને ઈજા પહોંચી નથી. પરંતુ તે જાણકારી નથી મળી કે તે અકસ્માત હતો કે હુમલો હતો.
અમેરિકન સૈન્ય મથકની નજીક થયો હુમલો
ખારજ પ્રિન્સ સુલતાન એર બેઝની ખૂબ નજીક છે, જ્યાં યુ.એસ. સૈન્યનું સૈન્ય મથક છે. જોકે, હજી સુધી યુએસ સુરક્ષા દળોએ આ ઘટના અંગે કોઈ તાત્કાલિક ટિપ્પણી કરી નથી. જણાવી દઈએ કે, ભૂતકાળમાં પણ આવી ઘટનાઓ પ્રકાશમાં આવી છે. મોટાભાગના આવા હુમલા યમનના હૌતી બળવાખોરો દ્વારા કરવામાં આવ્યા છે. પરંતુ ખારજ સાઉદી અરેબિયાની મધ્યમાં સ્થિત છે, જેના કારણે એવું માનવામાં આવે છે કે હૂતિઓ પાસે હજી સુધી હુમલો કરવા માટે શસ્ત્રો નથી. નોંધપાત્ર વાત એ છે કે, હૌતી બળવાખોરો ઘણીવાર યમનની સરહદ નજીક સ્થિત સાઉદી લક્ષ્યોને નિશાન બનાવતા આવ્યા છે.