દુર્ઘટના / કચ્છના કંડલા પોર્ટ પરના કેમિકલ પ્લાન્ટમાં એકાએક બ્લાસ્ટ થતાં આગ ભભૂકી, 4 લોકોના મોત

• કંડલા નજીક કેમિકલ કંપનીમાં આગ
• IMC નામની કેમિકલ કંપનીમાં લાગી આગ
• ફાયર ફાઇટરની 10 ટીમ દ્વારા પાણીનો મારો ચલાવાયો 

303 નંબરની મિથેનોલની ટેન્કમાં અચાનક બ્લાસ્ટ સાથે આગ ફાટી નીકળી હતી. આ ટેન્કમાં અંદાજિત 2000 મેટ્રિક ટન મિથેનોલનો જથ્થો ભરેલો હતો. દીન દયાળ પોર્ટ, ઇફકો, 10 ફાયર ફાઈટર ટીમ ઘટનાસ્થળે પહોંચીને ફોમનો છંટકાવ કરી આગ પર કાબુ મેળવ્યો હતો. IMC નામની કેમિકલ કંપનીમાં આગ લાગવાની ઘટના બની છે.

ફાયર ફાઇટરની 10 ટીમ પહોંચી ઘટના સ્થળે 

નોંધનીય છે કે, કંડલા પોર્ટ સહિતની ફાયર ફાઈટરની 10 ટીમો ઘટનાસ્થળે દોડી છે અને આગને કાબુમાં જહેમત ઉઠાવી રહી છે અને ફોમ તથા પાણીનો મારો ચલાવી રહી છે. બહારથી આગ કાબૂમાં આવી છે પરંતુ અંદર રહેલો મિથેનોલ સંપૂર્ણ સળગી નહીં જાય ત્યાં સુધી આગ પર કાબૂ આવી શકે તેમ નથી.