રશિયાના રાષ્ટ્રપતિ વ્લાદિમીર પુતિનની જાહેરાત બાદ રુસમાં કોરોનાની રસીને લઈને લોકોમાં ઉત્સુક્તા જોવા મળી રહી છે. પુતિને એલાન કર્યુ છે કે તેમના દેશે દુનિયાની પહેલી કોરોનાની રસી બનાવી છે. તેમણે કહ્યું કે રુસના સ્વાસ્થ્ય મંત્રાલયે આ કોરોનાની રસીને પોતાની મંજૂરી આપી દીધી છે. ત્યારે આ રસીને લઈને અમેરિકા સહિત કેટલાક દેશોએ શંકા વ્યક્ત કરી છે.
આ રસીનું નામ Sputnik V કેમ રાખવામાં આવ્યું
ગમલેયા રિસર્ચ ઇન્સ્ટીટ્યૂટ આ વેક્સિન બનાવી રહ્યું છે
આ પહેલા રશિયાને Ebola અને MERSની સારવાર કરવાનો અનુભવ છે
આ રસીનું નામ રુસના પહેલા સેટેલાઈટ સ્પૂતનિક સાથે મળે છે. જે 1957માં રુસી અંતરિક્ષ એજન્સીએ લોન્ચ કર્યુ હતુ. આ સમયે રશિયા અને અમેરિકાની વચ્ચે સ્પેસ રેસ ચરમ સીમા પર છે. કોરોનાની રસીના વિકાસને લઈને પણ અમેરિકા અને રશિયાની વચ્ચે સ્પર્ધા ચાલી રહી હતી. માનવામાં આવી રહ્યુ છે કે પુતિને રશિયાની કોરોના રસીનું નામ રુસની પહેલી સેટેલાઈટ પર રાખીને અમેરિકાને એક રીતે ચિડાવ્યુ છે.
રશિયાના અનુભવને લીધે રસી વહેલા બની
રશિયાના વેલ્થ ફંડના પ્રમુખ કિરિલ દિમિત્રીવે વેક્સીનના વિકાસની પ્રક્રિયાને સ્પેસ રેસ જેવી ગણાવી છે. તેમણે US TVને જણાવ્યું છે કે જ્યારે અમેરિકાએ Sputnikનો પહેલો અવાજ સાંભળ્યો તો તે હેરાન થઈ ગયું હતુ. આવું જ રસી સાથે થઈ રહી છે. રશિયા ત્યાં સૌથી પહેલા પહોંચ્યું હતુ. તેમણે કહ્યું કે આ પહેલા રશિયાને Ebola અને MERSની સારવાર કરવાનો અનુભવ છે. જેનાથી વૈજ્ઞાનિકોને આ મહામારી સાથે લડવામાં મદદ મળી છે.
કોણે બનાવી રસી
રશિયાનું ગમલેયા રિસર્ચ ઇન્સ્ટીટ્યૂટ આ વેક્સિન બનાવી રહ્યું છે. રશિયાએ દાવો કર્યો છે કે ઓક્ટોબર મહિના સુધીમાં રશિયામાં વેક્સિન મળતી થઇ જશે. જો કે વેક્સિનનો વૈજ્ઞાનિક ડેટા જાહેર ન કરતા કેટલાક દેશોએ વિરોધ કર્યો છે.
વેક્સિન રશિયામાં તમામને આપવામાં આવશે
રશિયા હવે સપ્ટેમ્બરમાં આ વેક્સિનનું મોટા પ્રમાણમાં ઉત્પાદન શરૂ કરી શકે છે. બાદમાં ઓક્ટોબરથી રશિયામાં સૌને રશી આપવાનું શરૂ કરી દેવામાં આવશે. આ દુનિયાની પહેલી એવી કોરોના વેક્સિન બની ગઇ છે જેને રેગુલેટરી અપ્રૂવલ મળ્યું છે. જણાવવામાં આવ્યું હતું કે, વેક્સિન રશિયામાં તમામને આપવામાં આવશે જેથી કોરોના વાયરસ વિરૂદ્ધ ઉમ્યુનિટી મળી શકે. આ વેક્સિનથી કોઇ પ્રકારનું નુકસાન કે રિએક્શનના સંકેત નથી મળ્યા.
ક્યારે આવશે માર્કેટમાં
રશિયા હવે સપ્ટેમ્બરમાં આ વેક્સિનનું મોટા પ્રમાણમાં ઉત્પાદન શરૂ કરી શકે છે. બાદમાં ઓક્ટોબરથી રશિયામાં સૌને રશી આપવાનું શરૂ કરી દેવામાં આવશે. આ દુનિયાની પહેલી એવી કોરોના વેક્સિન બની ગઇ છે જેને રેગુલેટરી અપ્રૂવલ મળ્યું છે. જણાવવામાં આવ્યું હતું કે, વેક્સિન રશિયામાં તમામને આપવામાં આવશે જેથી કોરોના વાયરસ વિરૂદ્ધ ઈમ્યુનિટી મળી શકે. આ વેક્સિનથી કોઇ પ્રકારનું નુકસાન કે રિએક્શનના સંકેત નથી મળ્યા.
વેક્સિનનું શું ભાવ હશે ?
રશિયન એજન્સી TASS અનુસાર, રશિયામાં આ વેક્સિન ફ્રી ઓફ કોસ્ટ ઉપલબ્ધ કરાવાશે. તેનો તમામ ખર્ચ દેશના બજેટમાં સમાવવામાં આવશે. જો કે, બાકી દેશોમાં કિંમતને લઇને હજી સુધી કોઇ ખુલાસો કરવામાં આવ્યો નથી.