મહેસાણાઃ ઊંઝામાં છેલ્લા ઘણા સમયથી નકલી જીરુ બનાવવામાં આવતુ હતું. આ ઘટનાની જાણ થતા ફૂડ વિભાગના અધિકારીઓએ દરોડા પાડ્યા છે. અને જીરુના નમુના લઈને આગળની કાર્યવાહી શરૂ કરી છે. મહત્વનુ છે કે ઉનાવા પોલીસને બાતમી મળતા પોલીસે ફૂડ એન્ડ ડ્રગ વિભાગની ટીમ સાથે નકલી જીરુ બનાવતી ફેક્ટરીની પર દરોડા પાડ્યા હતા.
આ ફેક્ટરીમાંથી ઝીણી વરીયાળી બ્રાઉન પાવડર અને ગોળની રસીના બેરલ મળી આવ્યા હતા. 250 થી 300 મણ નકલી જીરૂનો મુદ્દામાલ મળી આવ્યો હતો. ત્યારે હવે ફૂડ એન્ડ ડ્રગ વિભાગે કાર્યવાહી કરીને આગળની તપાસ શરૂ કરી છે.
જો કે આ ગોડાઉનનો મૂળ માલિક ફરાર થયો છે. ત્યારે હવે પોલીસે આરોપી માલિકને ઝડપી પાડવા માટે ચક્રો ગતિમાન કર્યા છે.